కామారెడ్డి టౌన్, వెలుగు : దీపావళి పండగ సందర్భంగా ప్రజలు పటాకులు కాల్చేటప్పుడు తగిన జాగ్రత్తలు తీసుకోవాలని కామారెడ్డి జిల్లా ఫైర్ ఆఫీసర్సుధాకర్ పేర్కొన్నారు. బుధవారం ఆయన మీడియాతో మాట్లాడుతూ.. పటాకులను ఇండ్ల మధ్యన కాకుండా ఖాళీ ప్రదేశాల్లోనే కాల్చాలన్నారు. చిన్న పిల్లలు ఉంటే మరింత జాగ్రత్తగా ఉండాలన్నారు.
పటాకులు కాల్చే సమీపంలో బకెట్లో నీటిని అందుబాటులో ఉంచుకోవాలని, కాటన్ దుస్తులు ధరించాలని, పిల్లలు కాల్చేటప్పుడు పెద్దలు దగ్గరగా ఉండాలని సూచించారు. మండే స్వభావం ఉన్న వస్తువుల దగ్గర పటాకులు కాల్చొద్దన్నారు. టపాసులు కాల్చేటప్పుడు అనుకోకుండా ఏదైనా ప్రమాదం జరిగితే బాధితులను వెంటనే హాస్పిటల్కు తీసుకెళ్లాలన్నారు.
