లింగంపేట,వెలుగు: పింఛన్ డబ్బుల చేతివాటంపై ‘పింఛన్ పైసల్లో రూ.216 కోత’ అనే శీర్షికతో ‘వెలుగు’ దినపత్రికలో ప్రచురితమైన స్టోరీకి కామారెడ్డి జిల్లా పోస్టల్ ఇన్‌‌‌‌స్పెక్టర్ శ్రావణ్ స్పందించారు. ఈ మేరకు నల్లమడుగులో ఆదివారం పోస్టల్ ఆఫీసర్లతో విచారణ చేపట్టారు. ఉదయం నుంచి సాయంత్రం 4 గంటల వరకు జీపీ ఆఫీస్‌‌‌‌లో గ్రామస్తులతో మాట్లాడారు.
గ్రామంలోని 35 మంది వృద్ధులకు ఒక్కొక్కరికి రూ.216 పింఛన్ సొమ్మును తక్కువగా ఇచ్చినట్లు విచారణలో గుర్తించారు. వారికి రావాల్సిన డబ్బులను పంపిణీ చేశారు. విచారణలో సేకరించిన విషయాలపై ఉన్నతాధికారులకు నివేదిక అందిచనున్నట్లు ఎస్‌‌‌‌పీఎం మురళి తెలిపారు.
