కామారెడ్డి , వెలుగు: రూ. 48. 58 కోట్లతో రూపొందించిన వార్షిక బడ్జెట్ను కామారెడ్డి మున్సిపల్ కౌన్సిల్ ఆమోదించింది. చైర్పర్సన్ నిట్టు జాహ్నవి అధ్యక్షతన శనివారం కళాభారతి ఆడిటోరియంలో కౌన్సిల్ మీటింగ్జరిగింది. ప్రాపర్టీ టాక్స్ ద్వారా రూ. 12.51 కోట్లు, రెవెన్యూ, ఇతర మార్గాల ద్వారా రూ.11.64 కోట్ల ఆదాయం వస్తుందని అంచనా వేశారు. ప్లాన్గ్రాంట్స్, నాన్ ప్లాన్ గ్రాంట్స్ కింద రూ. 24.25 కోట్లు అంచనా వేశారు. మొత్తం ఆదాయం రూ.48.58 కోట్లు చూపగా, వ్యయం కూడా అంతే చూపారు. ఏప్రిల్1 నాటికి ప్రారంభ నిల్వ రూ.25.66 కోట్లు ఉంటుందని చెప్పారు. సిబ్బంది జీతాలకు రూ. 9.69 కోట్లు, శానిటేషన్ ఖర్చు రూ. 2.87 కోట్లు, కరెంటు బిల్లులు రూ. 5.32 కోట్లు, గ్రీన్ బడ్జెట్కు రూ. 2.82 కోట్లుగా ప్రతిపాదించినట్లు చైర్ పర్సన్ చెప్పారు. అయితే ఆదాయం, వ్యయం సమానంగా చూపడంతో పలువురు కౌన్సిలర్లు అభ్యంతరం తెలిపారు. కొత్త ఆదాయ మార్గాల ప్రస్తావన లేదని, ఉన్న వనరులను వినియోగించుకుని ఆదాయాన్ని పెంచుకునే అంశంపై దృష్టి పెట్టలేదని పలువురు కౌన్సిలర్లు అభిప్రాయపడ్డారు. గత బడ్జెట్ ప్రతిపాదనల్లో చూపిన విధంగా ఫండ్స్ ఎందుకు తీసుకురాలేదని బీజేపీ ఫ్లోర్ లీడర్ శ్రీకాంత్ ప్రశ్నించారు.
ఆదర్శ మున్సిపాలిటీగా తీర్చిదిద్దాలి
కామారెడ్డి మున్సిపాలిటీని రోల్మోడల్గా తీర్చిదిద్దాలని కలెక్టర్ జితేశ్వి పాటిల్ పేర్కొన్నారు. పట్టణ ప్రజలకు అవసరమైన మౌలిక వసతుల కల్పన పై ఫోకస్పెట్టాలన్నారు. నీటి ఎద్దడి నివారణకు ప్రత్యేకంగా ప్లానింగ్ తయారు చేయాలన్నారు. అభివృద్ధి విషయంలో కౌన్సిలర్లు, ఆఫీసర్లు సమష్టిగా పని చేయాలన్నారు. చైర్పర్సన్ జాహ్నవి మాట్లాడుతూ.. మున్సిపాలిటీకి సమకూరే ఫండ్స్తో పట్టణాన్ని మరింత అభివృద్ధి చేస్తామన్నారు. వైస్ చైర్ పర్సన్ ఇందుప్రియ, కమిషనర్ దేవెందర్, కౌన్సిలర్లు పాల్గొన్నారు.
పలు అంశాలపై దుమారం..
బడ్జెట్ మీటింగ్తర్వాత మున్సిపల్జనరల్ మీటింగ్ జరిగింది. బిల్డింగ్పర్మిషన్లు, నిధుల మళ్లింపుపై దుమారం చెలరేగడంతో అధికారులపై బీఆర్ఎస్కౌన్సిలర్లు ప్రతిపక్ష పార్టీల కంటే ఎక్కువగా ధ్వజమెత్తారు. మున్సిపాలిటీలోని ఖాళీ స్థలాలు కబ్జా అవుతున్నా, ఇండ్లు కడుతున్నా.. పట్టించుకోవడం లేదని కౌన్సిలర్ చాట్ల వేణు మండిపడ్డారు. స్పందించిన కలెక్టర్తనకు పూర్తి వివరాలు ఇవ్వాలని అధికారులను ఆదేశించారు. తన వార్డుకు కేటాయించిన ఫండ్స్తో వర్క్స్చేయకుండా ఎందుకు ఆపేశారని కౌన్సిలర్ భూక్యా రాజు ప్రశ్నించారు. చైర్పర్సన్, కమిషనర్కు విన్నవించినా ఫలితం లేకుండా పోయిందని వాపోయారు. ఎస్ఎఫ్సీ ఫండ్స్ ప్రతిపాదించిన 9 పనులకు గాను 6 పనులకు జనరల్ ఫండ్స్ డైవర్ట్ చేయడంపై కొందరు బీఆర్ఎస్, బీజేపీ కౌన్సిలర్లు అభ్యంతరం తెలిపారు. పర్మిషన్లేని బిల్డింగ్నిర్మాణాలపై స్పందించిన ఆఫీసర్లు టీఎస్బీ పాస్ ద్వారా పర్మిషన్లు వస్తున్నాయని తెలిపారు. ఎన్ఫోర్స్మెంట్ టీమ్కూడా పరిశీలిస్తోందని, ఆన్లైన్లో పర్మిషన్లు వస్తున్నాయని పేర్కొన్నారు. రూల్స్కు విరుద్ధంగా బిల్డింగ్లు కడితే కూల్చివేస్తామని తెలిపారు. పట్టణంలో చాలా చోట్ల తాగునీటి పైప్లైన్లు లీకేజీ అవుతున్నాయని, రిపేర్లు చేయాలని బీజేపీ ఫ్లోర్ లీడర్ శ్రీకాంత్కోరారు.
