- కామారెడ్డి ఎస్పీ సింధూశర్మ
కామారెడ్డి టౌన్, వెలుగు: సంక్రాంతి పండగకు ఊరెళ్లే వారు తగిన జాగ్రత్తలు తీసుకోవాలని కామారెడ్డి ఎస్పీ సింధూశర్మ శనివారం ఒక ప్రకటనలో తెలిపారు. బంగారు నగలు, ఇతర విలువైన వస్తువులు, నగదు ఇండ్లలో ఉంచకుండా బ్యాంక్ లాకర్లలో లేదా తమకు భద్రంగా ఉన్న చోట దాచుకోవాలని సూచించారు. బీరువాకు తాళాలు వేసి తాళంచెవులు ఇంట్లోనే పెట్టకుండా వెంట తీసుకెళ్లాలన్నారు. ఇంటి మెయిన్డోర్కు సెంటర్ లాక్ వేయాలన్నారు. తాళం వేసి ఊరెళ్లేటప్పుడు నమ్మకం ఉన్న వ్యక్తులకు లేదా పోలీస్ స్టేషన్లలో సమాచారం ఇవ్వాలన్నారు.
ఇండ్లలో, కాలనీల్లో సీసీ కెమెరాలు ఏర్పాటు చేసుకొని, వాటిని మొబైల్ ఫోన్లకు అనుసంధానం చేసుకుంటే మంచిదన్నారు. బస్సు, రైలు ప్రయాణాల్లో అపరిచిత వ్యక్తులు ఇచ్చే తినుబండారాలు తీసుకోవద్దని, బ్యాగ్లు జాగ్రత్తగా పెట్టుకోవాలన్నారు. ఎవరైనా అనుమానంగా కనిపిస్తే డయల్ 100 లేదా 8712686133కు సమాచారం ఇవ్వాలన్నారు.
