- సమస్యల మీద ఫోకస్ పెట్టే చాన్స్
- అధ్వాన్నంగా రోడ్లు, డ్రైనేజీలు
- శానిటేషన్ కూడా అస్తవ్యస్తం
కామారెడ్డి, వెలుగు : మున్సిపాలిటీల్లో ప్రత్యేకాధికారుల పాలన మొదలైంది. జిల్లాలోని కామారెడ్డి, బాన్సువాడ, ఎల్లారెడ్డి మున్సిపాలిటీలకు స్పెషల్ ఆఫీసర్గా లోకల్బాడీస్ అడిషనల్ కలెక్టర్ శ్రీనివాసరెడ్డిని ప్రభుత్వం అపాయింట్ చేసింది. గతంలో ఎన్నికయిన పాలకవర్గాల హయాంలో పట్టణాల్లో అనేక సమస్యలు పరిష్కారానికి నోచుకోలేదు. మౌలిక వసతులు సరిగా లేక ప్రజలు అనేక అవస్థలు పడ్డారు. మున్సిపాలిటీలకు తిరిగి ఎన్నికలు జరిగేవరకు స్పెషల్ పాలన కొనసాగునుంది. జిల్లా ఉన్నతాధికారే స్పెషల్ ఆఫీసర్గా ఉండడంవల్ల పట్టణాల రూపురేఖలు మారుతాయని స్థానికులు భావిస్తున్నారు.
మధ్యలోనే ఆగిన మార్కెట్ నిర్మాణం
కామారెడ్డి పట్టణ జనాభా లక్ష వరకు ఉంది. వారి అవసరాలకు తగ్గట్టు పట్టణంలో వసతులు లేవు. మెయిన్ రోడ్లు , చౌరస్తాలు ఇరుకుగా ఉన్నాయి. పార్కులు, కూరగాయల మార్కెట్ల నిర్వహణ అస్తవ్యస్తంగా ఉంది. శానిటేషన్ అంతంత మాత్రమే. టౌన్లో సిరిసిల్లా రోడ్డులో రాజీవ్ పార్కు, స్నేహపూరి కాలనీ పార్కు, విద్యానగర్లో రోటరీ పార్కు ఉన్నాయి. ఇవి పట్టణ జనాభా అవసరాలకు సరిపోవట్లేదు. రాజీవ్పార్కు అంతా చెత్తచెదారంతో నిండిపోవడంతో జనాలెవరూ రావడంలేదు.
కలెక్టర్ ఆశిశ్ సంగ్వాన్స్వయంగా పార్క్ను పరిశీలించి, డెవలప్చేయాలని ఆదేశించినా పరిస్థితి మారలేదు. తిలక్రోడ్డులో ఉన్న డెయిలీ మార్కెట్ దశాబ్ధాల కిందట ఏర్పాటు చేశారు. ఇక్కడ షాపులన్నీ వ్యాపారుల చేతుల్లో ఉండడంతో గ్రామాల నుంచి కూరగాయల తీసుకొచ్చే రైతులు కూర్చోవటానికి ఇక్కడ స్థలం లేదు. వారు రోడ్ల మీదే కూరగాయలు అమ్ముకోవాల్సివస్తోంది. గంజులో రూ. 4 కోట్లతో చేపట్టిన ఇంటిగ్రేటెడ్ మార్కెట్ కాంప్లెక్స్ నిర్మాణం ఫండ్స్ లేక మధ్యలోనే అగిపోయింది. రూ.50 లక్షలతో నిర్మించిన రైతుబజార్ వృధాగానే ఉంది. కామారెడ్డి టౌన్లోని ఈ సమస్యలకు స్పెషల్ ఆఫీసర్ ముగింపు పలుకుతారన్న ఆశాభావం వ్యక్తమవుతోంది.
ఇరుకు రోడ్లు.. అస్తవ్యస్తంగా డ్రైనేజీలు
కామారెడ్డి టౌన్లో రోడ్ల వెడల్పు, మెయిన్ రోడ్లలో డ్రైనేజీల నిర్మాణంపై స్పెషల్ ఆఫీసర్ ఫోకస్ పెట్టాల్సిఉంది. వార్డుల్లోనూ రోడ్లు అధ్వాన్నంగా మారాయి. నిజాంసాగర్ రోడ్డు నుంచి పెద్ద చెరువు వైపు వెళ్లే మార్గంలో వానకాలంలో వరద వల్ల రోడ్డు కొట్టుకుపోయి పెద్ద గుంత పడింది. నెలలు గడుస్తున్నా రిపేర్లు చేయలేదు.
చౌరస్తా నుంచి సిరిసిల్లారోడ్డు, స్టేషన్ రోడ్డులో డ్రైనేజీ వ్యవస్థ లేక వాన పడితే నీళ్లన్నీ రోడ్లపైనే నిలిచి రాకపోకలకు ఇబ్బంది కలుగుతోంది. జంక్షన్లను వెడల్పు చేయకపోవటంతో ట్రాఫిక్కు అంతరాయం కలుగుతోంది. కొత్త బస్టాండు, నిజాంసాగర్ చౌరస్తా, ఇందిరా చౌక్, రామారెడ్డి రోడ్డు, జేపీఎన్ , సుభాష్ రోడ్డు చౌరస్తాలను అభివృద్ధి చేయాలి. శానిటేషన్, తాగునీరు, వీధి దీపాల నిర్వహణ గాడి తప్పింది.
