కన్నడ సూపర్ స్టార్ శివ రాజ్ కుమార్ నటించిన "భైరతి రణగల్" కన్నడలో బ్లాక్ బస్టర్ హిట్ అయ్యింది. ఈ సినిమాకి ప్రముఖ కన్నడ దర్శకుడు నర్తన్ దర్శకత్వం వహించగా రాహుల్ బోస్, రుక్మిణి వసంత్, దేవరాజ్, ఛాయా సింగ్, మధు గురుస్వామి, షబీర్ కల్లారక్కల్, మరియు బాబు హిరన్నయ్య తదితరులు నటించారు. గీతా పిక్చర్స్ బ్యానర్‌పై గీతా శివ రాజ్‌కుమార్ నిర్మించారు. ఈ చిత్రానికి సంగీతం రవి బస్రూర్ సంగీతం అందించాడు.
ఈ సినిమా గత ఏడాది కన్నడలో నవంబర్ 15, 2024న విడుదలైంది. ఆ ఆతర్వాత తెలుగులో కూడా డబ్ చేసి నవంబర్ 29, 2024న రిలీజ్ చేశారు. కానీ పుష్ప 2: ది రూల్ థియేటర్స్ లో ఉండటంతో ఈ సినిమాకి పెద్దగా కలెక్షన్స్ రాలేదు తెలుగులో. భైరతి రణగల్ సినిమా ఇప్పుడు ఓటిటిలోకి వచ్చేసింది. ఈ క్రమంలో తెలుగు వెర్షన్ ప్రముఖ తెలుగు ఓటిటి అయిన ఆహాలో స్ట్రీమింగ్ అవుతోంది. కన్నడ వెర్షన్ అమెజాన్ ప్రైమ్ వీడియోస్ లో ప్రసారమవుతోంది. ఈ విషయాన్ని మేకర్స్ సోషల్ మీడియా వేదికగా అభిమానులకి తెలియజేశారు.
ALSO READ | Laila: వెయ్యి థియేటర్లలో లైలా మూవీ : టికెట్ల బుకింగ్స్ పై అందరిలో ఆసక్తి
ఈ విషయం ఇలా ఉండగా ఈ సినిమాలో నటించిన తర్వాత శివరాజ్ కుమార్ క్యాన్సర్ చికిత్స కోసం విదేశాలకి వెళ్ళాడు. ఇటీవలే ఆపరేషన్ తర్వాత తిరిగి వచ్చాడు. కొంతకాలం విశ్రాంతి తర్వాత రామ్ చరణ్ హీరోగా నటిస్తున్న RC16 సినిమా షూటింగ్ లో పాల్గొనబోతున్నట్లు సమాచారం.
