Emergency Movie: బాలీవుడ్ స్టార్ హీరోయిన్, బీజేపీ ఎంపీ కంగనా రనౌత్ మెయిన్ లీడ్ పాత్రలో నటించి, దర్శకత్వం వహించిన ఎమర్జెన్సీ సినిమా ఎట్టకేలకి రిలీజ్ డేట్ ఫిక్స్ చేసుకుంది. ఈ విషయాన్ని నటి కంగనా రనౌత్ సోషల్ మీడియా వేదికగా తెలియజేసింది. ఇందులోభాగంగా వచ్చే ఏడాది జనవరి 17న ఎమర్జెన్సీ సినిమా ని రిలీజ్ చేస్తున్నట్లు ప్రకటించింది. ఈ క్రమంలో ఎమర్జెన్సీ సినిమా కొత్త పోస్టర్ కూడా షేర్ చేసింది. "ఇది దేశం యొక్క అత్యంత శక్తివంతమైన మహిళ పురాణగాథ మరియు భారతదేశ విధిని మార్చిన క్షణం" అంటూ క్యాప్షన్ పెట్టింది.
1975లో దివంగత ప్రధానమంత్రి ఇందిరా గాంధీ విధించిన ఎమర్జెన్సీ సమయంలో జరిగిన కొన్ని వాస్తవిక సంఘటనల ఆధారంగా నటి కంగనా రనౌత్ ఈ చిత్రాన్ని తెరకెక్కించింది.అలాగే ప్రముఖ సినీ నిర్మాణ సంస్థ అయిన జీ5 తో కలసి సంయుక్తంగా నిర్మించింది. ఈ చిత్రం షూటింగ్ పూర్తీ చేసుకుని ఇప్పటికే రిలీజ్ కావాల్సి ఉండగా సెన్సార్ సర్టిఫికెట్ విషయంలో పలు అభ్యంతరాలు ఉండడంతో రిలీజ్ ఆగిపోయింది.
ALSO READ | Nayanthara birthday special: ఆసక్తి రేపుతున్న నయనతార "రక్కయీ" సినిమా లుక్, టీజర్..
గతంలో పంజాబ్ రాష్ట్రానికి చెందిన పలు సిక్కు శనగలు సంఘాలు ఎమర్జెన్సీ చిత్రహంలో మత విద్వేషాలు రచ్చగొట్టే మరియు అభ్యంతరకర సన్నివేశాలు ఉన్నాయని కాబట్టి ఈ చిత్రాన్ని విడుదల నిలిపివేయాలని ఫిర్యాదు చేశారు. దీంతో అప్పటినుంచి ఎమర్జెన్సీ చిత్రం కష్టాలు ఎదుర్కుంటోంది. అయితే తాజాగా మరోసారి సెన్సార్ బోర్డు ఎమర్జెన్సీ చిత్రాన్ని చూసి సెన్సార్ సర్టిఫికెట్ ని జారీ చేసింది.
17th January 2025 – The epic saga of the nation’s most powerful woman and the moment that altered India’s destiny. #Emergency – Unveils Only in cinemas on 17.01.2025! @KanganaTeam @AnupamPKher #SatishKaushik @shreyastalpade1 #MahimaChaudhry @milindrunning #VishakNair… pic.twitter.com/dC0gnYSNlW
— Kangana Ranaut (@KanganaTeam) November 18, 2024
ఈ చిత్రంలో బాలీవుడ్ ప్రముఖ నటుడు అనుపమ్ ఖేర్, మిళింద్ సోమన్, మహిమ చౌదరి, భూమిక చావ్లా, శ్రేయాస్ టాల్పడే తదితరులు ప్రధాన తారాగణంగా నటించారు.
