మాజీ భారత ప్రధాన మంత్రి ఇందిరా గాంధీ జీవితం ఆధారంగా రూపొందిన పొలిటికల్ డ్రామా 'ఎమర్జెన్సీ'(Emergency). ఈ మూవీ త్వరలో విడుదలకు సిద్ధమవుతోంది. బాలీవుడ్ నటి, ఎంపీ కంగన రనౌత్ తెరకెక్కించిన ఈ సినిమాకు అడుగడుగునా వివాదాలు చుట్టుముట్టుతున్నాయి.
కొంతకాలంగా భారత్‌-బంగ్లాదేశ్ మధ్య సత్సంబంధాలు దెబ్బతిన్న సంగతి తెలిసిందే. ఈ నేపథ్యంలోనే సినిమా విడుదలను నిషేధిస్తున్నట్టు సమాచారం. కంటెంట్‌ పరంగా కంటే ప్రస్తుత పరిణామాల ప్రభావం కారణంగానే బ్యాన్ చేస్తున్నట్టు నేషనల్‌ మీడియా పేర్కొంది.
2025 జనవరి 17న ఎమర్జెన్సీ మూవీ విడుదల నేపథ్యంలో రాజకీయ ఉద్రిక్తతల కారణంగా ఈ సినిమాను బంగ్లాదేశ్లో నిషేధించారు. పాకిస్తాన్ నుండి బంగ్లాదేశ్ను విభజించడంలో ఇందిర చురుకైన పాత్ర పోషించారు. 1971 యుద్ధంలో భారతదేశం పాల్గొనడంతో చివరికి అది బంగ్లాదేశ్ ఏర్పాటుకు పరిస్థితి దారితీసింది. అత్యవసర పరిస్థితిలో 1971 బంగ్లాదేశ్ స్వాతంత్ర యుద్ధంలో భారత సైన్యం, ఇందిరాగాంధీ ప్రభుత్వ పాత్రను బంగ్లాదేశ్ పితామహుడు షేక్ ముజిబుర్ ఎంతగానో కీర్తించారు.
ALSO READ | DaakuMaharaaj: అఫీషియల్.. డాకు మహారాజ్ వరల్డ్ వైడ్ కలెక్షన్స్ అనౌన్స్.. మైల్‍స్టోన్‍కు చేరువలో
భారతదేశం పాకిస్తాన్ పై యుద్ధంలో విజయం సాధించిన తర్వాత "ఇందిరా గాంధీ దేవత దుర్గ" అని రెహాన్ సంబోధించారు. కొంత కాలంగా బంగ్లాదేశ్ తో ఇండియా సంబంధాలు నీటి మూటలా మారాయి. రకరకాల కారణాలతో ఇప్పుడు ఎమర్జెన్సీ సినిమాని బంగ్లాదేశ్లో రిలీజ్ చేయకూడదని ఆంక్షలు విధించారని తెలుస్తోంది.
