కన్నడ స్టార్ హీరో దర్శన్(Darshan) అరెస్ట్ అయ్యారు. హత్య కేసులో హీరో దర్శన్‌ను పోలీసులు అదుపులోకి తీసుకున్నారు. నటి పవిత్ర గౌడకు అసభ్యకరమైన మెసేజ్లు పంపినందుకు గానూ రేణుకాస్వామి హత్యకు గురైన విషయం తెలిసిందే. ఈ హత్య హీరో దర్శన్ సూచనల మేరకే జరిగిందని సమాచారం. ఆ కారణంగానే హీరో దర్శన్‌ని మైసూర్‌లోని ఫామ్‌హౌస్‌లో అరెస్టు చేశారు పోలీసులు.
ఇంతకీ అసలు విషయం ఏంటంటే.. కన్నడ స్టార్ దర్శన్ కొంతకాలంగా నటి పవిత్ర గౌడ సన్నిహితంగా ఉంటున్నాడని, ఈ ఇద్దరి మధ్య ఎదో జరుగుతోందని వార్తలు వైరల్ అవుతున్న విషయం తెలిసిందే. ఈ నేపధ్యంలోనే రేణుక స్వామి అనే వ్యక్తి నటి పవిత్ర గౌడకు అసభ్యకర మెసేజ్లు పంపి భయపెట్టాడని, ఈ విషయం దర్శన్ తెలిసి ఆ వ్యక్తి హతమార్చడానికి ప్లాన్ చేశాడని, కామాక్షిపాలెంలో రేణుకాస్వామి హత్య చేశారని, హత్య చేసిన నలుగురు నిందితులు అంగీకరించినట్లు సమాచారం. ఇక ఈ కేసులో హీరో దర్శన్ సహా 10 మందిని పోలీసులు అరెస్టు చేశారు. ప్రస్తుతం ఈ న్యూస్ కన్నడ ఇండస్ట్రీలో హాట్ టాపిక్ గా మారింది.
