విలక్షణ నటుడిగా, దర్శకుడిగా ఉపేంద్ర(Upendra)కు సెపరేట్ ఫ్యాన్ బేస్ ఉంది. ఆయన సినిమాలంటే ఇష్టపడే ఆడియన్స్ చాలా మందే ఉన్నారు. అయితే కొంత కాలంగా దర్శకత్వానికి దూరంగా ఉంటున్న ఆయన..మరోసారి వినూత్న కాన్సెప్ట్ తో కొత్త సినిమాను తెరకెక్కిస్తున్నారు. దాదాపు ఏడేళ్ల గ్యాప్ తర్వాత ఆయన దర్శకుడిగా తీస్తున్న మూవీ UI. ప్రస్తుతం ఈ సినిమా షూటింగ్‌ షెరవేగంగా జరుగుతోంది. ఇప్పటికే ఈ సినిమా నుండి రిలీజైన గ్లింప్స్‌ సినిమాపై అంచనాలు పెంచేసింది.
లేటెస్ట్గా ఈ సినిమా నుంచి UI ఫస్ట్ లుక్ వీడియో రిలీజ్ చేశారు మేకర్స్. కాంతారా ఫేమ్ రిషబ్ శెట్టి చేతుల మీదుగా రిలీజ్ చేసిన ఈ వీడియో ఆకట్టుకుంటోంది. ఈ వీడియోలో ఒక్క డైలాగ్ లేకపోయినా విజువల్స్, బ్యాక్ గ్రౌండ్ స్కోర్ తోనే వీడియో మైండ్ బ్లోయింగ్ గా ఉంది.
సరికొత్త కథాంశంతో వస్తోన్న UI తో మరోసారి ఉపేంద్ర ఏదో కొత్త విషయాన్ని చూపించబోతున్నట్లు తెలుస్తోంది. ఓం, A, ఉపేంద్ర, ఉప్పి 2, సూపర్..లాంటి విభిన్న కథలతో డైరెక్టర్ గా పేరు తెచ్చుకున్న ఉపేంద్ర..ఇపుడు వరల్డ్ ఆఫ్ UI తో వస్తుండటంతో ఫ్యాన్స్ ఖుషు అవుతున్నారు.
ఇక UI సినిమాను మనోహరన్- శ్రీకాంత్‌ కేపి సంయుక్తంగా నిర్మిస్తుండగా..రీష్మా నానయ్య హీరోయిన్ గా నటిస్తోంది. కాంతర సినిమాకు అదిరిపోయే మ్యూజిక్ ఇచ్చిన అజనీష్ లోకనాథ్ ఈ సినిమాకు సంగీతం అందిస్తున్నాడు. చాలా గ్యాప్ తరువాత ఉపేంద్ర దర్శకత్వంలో సినిమా వస్తుండటంతో..ఏ రేంజ్ లో సక్సెస్ అవుతుందో చూడాలి మరి.
