టాలీవుడ్ ప్రముఖ హీరో మంచు విష్ణు కన్నప్ప చిత్రంలో హీరోగా నటిస్తున్న విషయం తెలిసిందే. ఈ సినిమాని 24 ఫ్రేమ్స్ ఫ్యాక్టరీ బ్యానర్ పై దాదాపుగా రూ.200 కోట్ల బడ్జెట్ తో ప్రముఖ సీనియర్ హీరో మరియు సినీ నిర్మాత మంచు మోహన్ బాబు నిర్మిస్తున్నాడు.
ఈ సినిమాలో యంగ్ రెబల్ స్టార్ ప్రభాస్ కూడా గెస్ట్ అప్పియరెన్స్ పాత్రలో నటిస్తున్నాడు. అయితే ఇటీవలే కొందరు కన్నప్ప సినిమాలోని ప్రభాస్ లుక్ కి సంబందించిన ఫోటోలను లీక్ చేశారు. ప్రస్తుతం సోషల్ మీడియాలో ప్రభాస్ లుక్స్ తెగ వైరల్ అవుతూ ట్రెండ్ అవుతున్నాయి. దీంతో కన్నప్ప చిత్ర యూనిట్ ఈ లీక్స్ విషయంపై సోషల్ మీడియా వేదికగా స్పందించింది.
Also Read : సినీ ఇండస్ట్రీలో అవకాశాలు రాక
ఇందులో భాగంగా కన్నప్ప సినిమా కోసం దాదాపుగా 8 సంవత్సరాలుగా కష్టపడుతున్నామని, ఈ సమయంలో ప్రభాస్ ఫోటోలు లీక్ అవ్వడం చాలా బాధ కలిగిస్తుందని అన్నారు. అలాగే ఈ సినిమా కోసం దాదాపుగా 2000 మంది విఎఫ్ఎక్స్ టీమ్ కష్టపడి పని చేస్తున్నారని ఈ లీక్స్ ప్రభావం వీరిపై కూడా పడుతుందని తెలిపారు. దీంతో ఈ విషయం గురించి పోలీసులకి ఫిర్యాదు చేస్తామని, అలాగే ప్రభాస్ ఫోటోలని లీక్ చేసిన వారిని కనుగొని తమకి తెలియజేస్తే రూ.5 లక్షలు రివార్డ్ ఇస్తామని ఎక్స్ ద్వారా తెలిపారు.
An Urgent and Heartfelt Appeal from the Kannappa Team 🙏
— 24 Frames Factory (@24FramesFactory) November 9, 2024
కన్నప్ప టీమ్ నుంచి అత్యవసర, హృదయపూర్వక విజ్ఞప్తి 🙏 pic.twitter.com/Flx6mbchJR
ఈ విషయం ఇలా ఉండగా కన్నప్ప సినిమాకి బాలీవుడ్ ప్రముఖ డైరెక్టర్ ముఖేష్ కుమార్ సింగ్ దర్శకత్వం వహిస్తుండగా యంగ్ మ్యూజిక్ డైరెక్టర్ స్టీఫెన్ దేవస్సీ సంగీతం అందిస్తున్నాడు. మోహన్ బాబు, శరత్ కుమార్, బ్రహ్మానందం, శివబాలాజీ, సప్తగిరి, ముఖేష్ రిషీ తదితరులు ప్రధాన తారాగణంగా నటిస్తున్నారు.
