‘కాంతార’ సినిమాతో ప్యాన్ ఇండియా రేంజ్లో గుర్తింపు తెచ్చుకుంది నటి సప్తమి గౌడ. ఇప్పటి వరకు చేసింది రెండు సినిమాలే అయినా మంచి పాపులారిటీ సంపాదించింది. ఈ బ్యూటీ నటిగానే కాదు జాతీయ స్థాయి స్విమ్మర్గానూ గుర్తింపు తెచ్చుకుంది. ఆ తర్వాత సినీ ఎంట్రీ ఇచ్చి కాంతారతో బ్లాక్ బస్టర్ అందుకుంది. తెరపై రిషభ్ శెట్టితో అద్భుతమైన కెమిస్ట్రీని పండించింది.
తాజా సమాచారం ప్రకారం సప్తమి హీరో నితిన్ సినిమాలో లీడ్ రోల్ చేయనుందట. వేణు శ్రీరాం దర్శకత్వంలో నితిన్ ‘తమ్ముడు’ అనే సినిమాలో నటిస్తున్నాడు. ఈ సినిమా ఇటీవల పూజా కార్యక్రమాలు సైతం పూర్తి చేసుకుంది. తెలుగులో ఇప్పటికే ఈ హీరోయిన్కి మంచి ఫ్యాన్బేస్ ఏర్పడింది. ఇక నితిన్ సరసన చాన్స్ కొట్టేసిందన్న వార్తతో టాలీవుడ్లో ఈ అమ్మడి పేరు హాట్ టాపిక్గా మారింది.
