కరీంనగర్ టౌన్, వెలుగు : కరీంనగర్ జిల్లా కేంద్రంలోని మాతా శిశు కేంద్రంలో పెరుగుతున్న బాలుడి(6)ని ఇటలీ దంపతులు దత్తత తీసుకున్నారు. ఇటలీకి చెందిన అలెస్సియో, రఫెల్లా దంపతులకు పిల్లలు లేరు. అడాప్ట్కోసం సెంట్రల్ అడాప్షన్ రిసోర్స్ అథారిటీ(సీఏఆర్ఏ)ని సంప్రదించారు. కరీంనగర్మాతా శిశు కేంద్రంలో పెరుగుతున్న బాలుడిని ఆన్ లైన్లోనే ఎంపిక చేసుకున్నారు. సోమవారం కరీంనగర్కలెక్టర్పమేలా సత్పతి సమక్షంలో అలెస్సియో, రఫెల్లా దంపతులు బాలుడిని దత్తత తీసుకున్నారు. ఈ సందర్భంగా ఇటలీలో బాలుడికి అందించే విద్య, వైద్య ఇతర సౌకర్యాలను వివరించారు. అంతకు ముందు ఇటలీ దంపతుల వివరాలు, ఆర్థిక పరిస్థితి గురించి కలెక్టర్ఆరా తీశారు. అంతా ఓకే అనుకుని నిర్ధారించుకున్నాకే దత్తత ఇచ్చారు.
ఇటలీ దంపతులకు కౌన్సిలింగ్ఇచ్చి, సీఏఆర్ఏ నిబంధనల ప్రకారమే బాలుడిని అప్పగించామని డిస్ట్రిక్ట్ వెల్ఫేర్ ఆఫీసర్ ఎం.సరస్వతి తెలిపారు. కాగా పెంచే స్థోమత లేక బాలుడికి రెండేళ్లు ఉన్నప్పుడు అతని తల్లిదండ్రులు కరీంనగర్మాతాశిశు కేంద్రంలో వదిలేశారు. అప్పటి నుంచి ఇక్కడే పెరుగుతున్నాడు. 2021, డిసెంబర్ 5న శిశు కేంద్రంలో జరిగిన అగ్ని ప్రమాదంలో సదరు బాలుడు గాయపడ్డాడు. ఆ ఘటన ఎలా జరిగిందనే విషయం నేటికీ తేలలేదు.
