రామడుగు, వెలుగు: మహిళల వివిధ సమస్యల పరిష్కారానికి శుక్రవారం సభ వేదిక అని కరీంనగర్ కలెక్టర్ పమేలా సత్పతి అన్నారు. ప్రతి గ్రామంలోని మహిళలు తమ సమస్యలను ఈ సభలో విన్నవించుకోవాలని కోరారు. రామడుగు మండలం కొక్కెరకుంటలో ఐసీడీఎస్ ఆధ్వర్యంలో శుక్రవారం సభ నిర్వహించారు. ఈ సందర్భంగా ఆమె మాట్లాడుతూ మహిళలు తమ సమస్యలను శుక్రవారం సభలో విన్నవించుకోవచ్చన్నారు.
అనంతరం అంగన్వాడీ కేంద్రాన్ని సందర్శించి చిన్నారికి అన్నప్రాసన చేశారు. కార్యక్రమంలో డీఎస్డబ్ల్యూవో సబిత, డీఎంహెచ్వో వెంకటరమణ, మండల ప్రత్యేకాధికారి అనిల్ ప్రకాశ్‌, ఎంపీడీవో రాజేశ్వరి, ఎంపీవో అనిల్, సీడీపీవో నర్సింగరాణి, మెడికల్‌ ఆఫీసర్ అరుణ, అంగన్వాడీ సూపర్వైజర్ సుధారాణి పాల్గొన్నారు.
