- కలెక్టర్ పమేలా సత్పతి
గంగాధర, వెలుగు: సహకార బ్యాంకులు అందించే సేవలను రైతులు, ఖాతాదారులు సద్వినియోగం చేసుకోవాలని కరీంనగర్ కలెక్టర్ పమేలా సత్పతి అన్నారు. గంగాధర మండలం మధురానగర్లో ఏర్పాటుచేసిన కరీంనగర్ సహకార అర్బన్ బ్యాంక్ శాఖను చొప్పదండి ఎమ్మెల్యే మేడిపల్లి సత్యంతో కలిసి ఆదివారం ప్రారంభించారు. ఈ సందర్భంగా కలెక్టర్ మాట్లాడుతూ తక్కువ వడ్డీరేట్లకు రుణాలు అందించే సహకార బ్యాంకుతో గ్రామీణ ప్రజలకు లబ్ధి చేకూరుతుందన్నారు.
కరీంనగర్ జిల్లాలో రెండో బ్రాంచ్ గంగాధరలో ఏర్పాటుచేశారన్నారు. కార్యక్రమంలో అడిషనల్ కలెక్టర్ లక్ష్మీకిరణ్, ఆర్డీవో మహేశ్వర్, డీసీవో రామానుజాచార్య, కరీంనగర్ సహకార అర్బన్ బ్యాంక్ అసోసియేట్ చైర్మన్ గడ్డం విలాస్రెడ్డి, కార్యవర్గ సభ్యులు మోహన్, భాస్కర్, ఆంజనేయులు, సందీప్, లక్ష్మి-, లక్ష్మణ్, రాజు, సంయుద్దీన్, రవీందర్ పాల్గొన్నారు.
