గాయపడిన పాముకు జంతువుల నిర్వాహకురాలు చికిత్స అందించింది. గాయాలైన చోట అచ్చం మనిషికి చేసినట్టే కుట్టు వేసి.. బ్యాండేజీ వేసింది. పాముకు రెస్ట్ కావాలని.. అది కోలుకున్న తర్వాత తిరిగి దాన్ని అడవిలో వదిలేస్తానని తెలిపింది. ఈ ఘటన కరీంనగర్ పట్టణంలో చోటు చేసుకుంది.
కరీంనగర్ పట్టణంలోని కమాన్ ప్రాంతంలో ఓ పాము గాయాలతో పడి ఉన్నట్లు జంతువుల నిర్వాహకురాలు శ్రీ లక్ష్మికి సమాచారం అందింది. దీంతో ఆ పామును జంతు సంరక్షణ సిబ్బంది కరీంనగర్ పశువైద్యశాలలోకి తీసుకెళ్లి చికిత్స చేశారు. గాయపడిన పాముకు వైద్యులు కుట్లు వేశారు. పాము కోలుకున్న తర్వాత దాన్ని అడవిలో వదిలేస్తామని వైద్యులు వెల్లడించారు.
