మధిర, వెలుగు: మధిర డివిజన్ ఆత్మకమిటీ చైర్మన్గా బోనకల్ మండలం రాయన్నపేట గ్రామానికి చెందిన కర్నాటి రామకోటేశ్వరరావు అలియాస్ కోటి, పలువురు డైరెక్టర్లు బుధవారం పదవీ బాధ్యతలు చేపట్టారు. మధిర ఏడీఏ మిట్టపల్లి సతీశ్ అధ్యక్షత మధిర రైతు వేదికలో ఏర్పాటు చేసిన సమావేశంలో ఆయన మాట్లాడారు. తనపై నమ్మకంతో అప్పగించిన పదవికి వన్నె తెస్తానని తెలిపారు.
కాగా డిస్ట్రిక్ట్ ఫార్మర్స్ అడ్వైజరీ కమిటీ సభ్యులుగా కొప్పుల గోవింద రావు(లచ్చగూడెం), నల్లమోతు సత్యనారాయణ(రామాపురం)ను నియమించారు. ఈ కార్యక్రమంలో మధిర, బోనకల్, ఎర్రుపాలెం, చింతకాని, ముందిగొండ మండల వ్యవసాయ అధికారులు కె. సాయి దీక్షిత్, పి. వినయ్ కుమార్, బి. సాయి శివ, ఎస్. మానస, టి. వేణు యాదవ్, వ్యవసాయ విస్తరణ అధికారులు, సిబ్బంది పాల్గొన్నారు.
