- దీపారధనకు వందలాదిగా తరలివచ్చిన భక్తులు
నెట్ వర్క్ , వెలుగు: ఉమ్మడి ఆదిలాబాద్ జిల్లాలోని అన్ని పట్టణాలు, గ్రామాల్లో కార్తీక పౌర్ణమి వేడుకలు ఘనంగా జరిగాయి. ఆదిలాబాద్ పట్టణంలోని శ్రీ రామచంద్ర గోపాల కృష్ణ మఠంలో కార్తీక పౌర్ణమి వేడుకలను శుక్రవారం కనుల పండువగా నిర్వహించారు. ఈ సందర్భంగా తెల్లవారుజాము నుంచే భక్తులు వందల సంఖ్యలో తరలివచ్చి కాగడ హారతులతో ప్రత్యేక పూజలు చేశారు. ఎమ్మెల్యే పాయల్ శంకర్ దంపతులు హాజరై పూజలు చేశారు. మహిళలు, యువతులు ఆలయ ఆవరణలో ప్రత్యేక దీపాలంకరణ చేశారు. మఠాధిపతి శ్రీ యోగానంద సరస్వతి ఆధ్వర్యంలో ఆలయంలో సామూహికంగా కాగడ హారతులు వెలిగించి భక్తి గీతాలు ఆలపించారు.
