ఖిలావరంగల్ (కరీమాబాద్), వెలుగు: వరంగల్జిల్లా ఖిలావరంగల్లోని చింతల్ గ్రౌండ్ పద్మశాలి, చిల్డ్రన్స్ పార్క్ లో గౌడ అఫీషియల్స్ అండ్ ప్రొఫెషనల్స్ అసిసోసియేషన్ (గోపా) ఆధ్వర్యంలో ఆదివారం కార్తీక వనభోజన మహోత్సవాలు నిర్వహించారు. కార్యక్రమానికి దేవాదాయ శాఖ మంత్రి కొండా సురేఖ హాజరుకాగా, వేదపండితులు పూర్ణకుంభంతో స్వాగతం పలికారు.
ఈ సందర్భంగా నిర్వాహకులు మంత్రిని శాలువాతో సన్మానించి, జ్ఞాపికను అందజేశారు. అనంతరం మంత్రి మాట్లాడుతూ సామూహిక జీవన విధానాన్ని అలవాటు చేసేవి వన భోజన కార్యక్రమాలన్నారు. వన భోజనాల తర్వాత కార్తీక దీపోత్సవాన్ని నిర్వహించుకోవడం అభినందనీయమని మంత్రి పేర్కొన్నారు. కార్యక్రమంలో కార్పోరేటర్లు పోశాల పద్మ స్వామిగౌడ్, గుండు చందన పూర్ణచందర్ పాల్గొన్నారు.
