ఈ సంవత్సరం కర్వా చౌత్ ఉపవాసం నవంబర్ 1, 2023న జరుపుకోనున్నారు. ఈ రోజున, వివాహిత స్త్రీలు తమ భర్తల దీర్ఘాయువు కోసం ఉపవాస వ్రతాన్ని ఆచరిస్తారు. హిందూ క్యాలెండర్ ప్రకారం, కర్వా చౌత్ పండుగను కార్తీక మాసంలోని కృష్ణ పక్ష చతుర్థి రోజున జరుపుకుంటారు. చంద్రుడు ఈ రోజున మెయిన్ రోల్ పోషిస్తాడు, ఎందుకంటే చంద్రుడు ఉదయించిన తర్వాత మాత్రమే మహిళలు తమ ఉపవాసాన్ని విరమిస్తారు. ఈ వ్రతాన్ని ఆచరించడం వల్ల దాంపత్య జీవితం కూడా సుఖమయం అవుతుందని చాలా మంది నమ్ముతారు.
కర్వా చౌత్‌తో సంబంధం ఉన్న అనేక నమ్మకాలు, సంప్రదాయాలు ఈ రోజున ప్రత్యేక పాత్ర పోషిస్తాయి. కావున కర్వా చౌత్‌లో మొదటి సారి ఉపవాసం ఉంటున్నట్టయితే, ఉపవాసంలో పాటించాల్సిన నియమాల గురించి ఇప్పుడు తెలుసుకుందాం.
సర్గి తినడానికి సరైన సమయం
మీరు కర్వా చౌత్ ఉపవాసాన్ని మొదటిసారిగా పాటిస్తున్నట్లయితే, ఈ ఉపవాసం సూర్యోదయానికి ముందే ప్రారంభమవుతుందని తెలుసుకోండి. కావున ఉదయాన్నే నిద్రలేచి పెద్దల ఆశీస్సులు తీసుకోండి. తరువాత, సర్గి తినడంతో ఉపవాసం ప్రారంభించండి.
16 అలంకారాలు
కర్వా చౌత్ మొదటి సారి ఉపవాసం చాలా ప్రత్యేకమైనది. ఈ రోజున, మీరు పూర్తి 16 అలంకారాలతో (సోల శృంగార్) పూజలో కూర్చోవాలి. అలాగే చేతులకు హెన్నాను అప్లై చేయండి. కర్వా చౌత్ రోజున ఇలా చేయడం శుభప్రదంగా భావిస్తారు.
ఎరుపు రంగు దుస్తులు ధరించండి
వివాహిత స్త్రీలకు ఎరుపు రంగు శుభప్రదంగా పరిగణించబడుతుంది. కావున మీరు కర్వా చౌత్ రోజున ఎరుపు రంగు దుస్తులను మాత్రమే ఎంచుకోవాలి. ఎట్టి పరిస్థితుల్లోనూ నలుపు రంగు దుస్తులు ధరించవద్దు ఎందుకంటే ఇది శుభం కాదు. ఈ రోజున, ఉదయం స్నానం చేసిన వెంటనే ఎరుపు లేదా గులాబీ రంగు దుస్తులను ధరించండి.
వ్రతం కథ వినండి
కర్వా చౌత్ రోజున కర్వా చౌత్ వ్రత కథ వినడం చాలా ముఖ్యం. ఇది లేకుండా, ఉపవాసం సంపూర్ణంగా పరిగణించబడదు. మీరు మొదటి సారి ఈ ఉపవాసం చేస్తుంటే, సరైన దిశలో కూర్చుని, కథ వినండి, ఆచారాల ప్రకారం పూజ చేయండి.
మాంసాహారం వండకండి
ఈ రోజున పొరపాటున కూడా ఇంట్లో మాంసాహారం వండకండి. అలాగే, ఇంట్లోని ఇతర కుటుంబ సభ్యులు కూడా దీన్ని తినకుండా నిరోధించండి.
పెళ్లి దుస్తులు
మీరు కర్వా చౌత్‌ను మొదటిసారి జరుపుకుంటున్నట్లయితే, మీరు ఈ రోజున వివాహ దుస్తులను కూడా ధరించవచ్చు. ఇలా చేయడం శుభప్రదంగా పరిగణించబడుతుంది. మొదటి కర్వా చౌత్ జరుపుకోవడానికి ఇది సరైన మార్గం.
