న్యూయార్క్: అమెరికా అధ్యక్షుడిగా ఎన్నికైన డొనాల్డ్ ట్రంప్తన ప్రభుత్వంలో భారత సంతతి వ్యక్తులకు కీలక పదవులు కట్టబెడుతున్నారు. తాజాగా, ఇండియన్అమెరికన్అయిన కశ్యప్ పటేల్కు కీలక బాధ్యతలు అప్పగించారు. ఆయనను ఫెడరల్బ్యూరో ఆఫ్ఇన్వెస్టిగేషన్(ఎఫ్బీఐ) డైరెక్టర్గా నియమించనున్నట్టు ప్రకటించారు. ఈ సందర్భంగా ట్రంప్సోషల్ మీడియా ప్లాట్ఫామ్ ట్రుత్ సోషల్మీడియాలో పోస్ట్ పెట్టారు.
‘‘ఎఫ్బీఐ తదుపరి డైరెక్టర్గా కాష్ సేవలందిస్తారని నేను గర్వంగా చెప్తున్నా. ఆయన తెలివైన న్యాయవాది, పరిశోధకుడు. అమెరికాలో అవినీతి నిర్మూలనకు, న్యాయాన్ని బతికించేందుకు నిరంతరం శ్రమిస్తున్నారు. ఆయన ప్రజలకు అండగా నిలుస్తున్నారు. కాష్ నియామకంతో ఎఫ్బీఐకి పునర్వైభవం వస్తుంది” అని పేర్కొన్నారు.
తన మొదటి పదవీ కాలంలో కాష్ అద్భుతంగా పనిచేశారని కొనియాడారు. డిఫెన్స్ డిపార్ట్మెంట్లో చీఫ్ ఆఫ్ స్టాఫ్గా, నేషనల్ ఇంటెలిజెన్స్డిప్యూటీ డైరెక్టర్గా, కౌంటర్ టెర్రరిజం సీనియర్ డైరెక్టర్గా విశేష సేవలందించారని గుర్తు చేశారు. కాగా, కాష్ పటేల్ మొదట సెంట్రల్ఇంటెలిజెన్స్కు నాయకత్వం వహిస్తారనే న్యూస్ చక్కర్లు కొట్టినా.. ఈ పదవికి ట్రంప్ తన సన్నిహితుడు జాన్రాట్క్లిఫ్ను ఎంచుకున్నారు.
ట్రంప్కు విధేయుడు
కాష్పటేల్గా పిలిచే కశ్యప్పటేల్కు ట్రంప్ విధేయుడిగా పేరున్నది. ట్రంప్ మొదటి టర్మ్లో యూఎస్ డిఫెన్స్ డిపార్ట్మెంట్చీఫ్ఆఫ్ స్టాఫ్గా ఆయన పనిచేశారు. కశ్యప్ కుటుంబ మూలాలు గుజరాత్లో ఉన్నాయి. ఆయన తల్లిదండ్రులిద్దరూ ఈస్ట్ ఆఫ్రికాలో పెరిగారు. అయితే, అతడి తండ్రి ఉగాండాలో నియంత ఈదీ అమిన్ బెదిరింపుల కారణంగా అమెరికాకు వలస వచ్చారు. 1980 లో న్యూయార్క్గార్డెన్ సిటీలో పుట్టిన కశ్యప్.. యూనివర్సిటీ ఆఫ్ రిచ్మండ్లో గ్రాడ్యుయేషన్ పూర్తిచేశారు. యూనివర్సిటీ కాలేజ్ లండన్నుంచి లా పట్టా పొందారు. మయామీ కోర్టుల్లో పబ్లిక్‌ డిఫెండర్‌గా, ఇతరత్రా వివిధ హోదాల్లో సేవలందించారు.
