కామారెడ్డి టౌన్, వెలుగు: రుణమాఫీ పేరుతో కేసీఆర్ రైతులను నిండా ముంచారని కామారెడ్డి నియోజకవర్గ బీజేపీ అభ్యర్థి కాటిపల్లి వెంరటరమణారెడ్డి పేర్కొన్నారు. మంగళవారం బీబీపేట మండలం జనగామ, మాందాపూర్, పాల్వంచ మండలం ఫరీద్పేట, బండ రామేశ్వర్పల్లిల్లో ఆయన ప్రచారం నిర్వహించారు.
రమణారెడ్డి మాట్లాడుతూ.. రాష్ట్రంలో కేసీఆర్ ప్రభుత్వం ఫసల్ బీమా యోజన పథకాన్ని అమలు చేయడం లేదని, అందుకే పంట నష్టపోయిన రైతులకు పరిహారం అందడం లేదన్నారు. కేంద్రం రైతులకు సబ్సిడీపై ఎరువులు సరఫరా చేస్తుందన్నారు. బీజేపీకి అవకాశమిస్తే అన్ని రంగాల్లో అభివృద్ధి చేస్తామన్నారు.
