సన్ రైజర్స్ హైదరాబాద్ జట్టుకు ఎంతమంది ఫ్యాన్స్ ఉంటారో.. ఆ జట్టు ఓనర్ కావ్య మారన్కు కూడా అదే రేంజ్లో అభిమానులు ఉంటారు. కొందరైతే కావ్య మారన్ కోసమే మ్యాచ్ చూడటానికి వస్తారంటే అతిశయోక్తి కాదు. ఇంకొందరు అభిమానులు ముద్దుగా ఆమెను కావ్య పాప అని పిలుచుకుంటారు. ఐపీఎల్లో10 జట్లు ఉండగా.. ఇందులో ఒక్క కావ్య మారన్కు మాత్రమే భారీ ఫ్యాన్ ఫాలోయింగ్ సొంతం. ఇందుకు ప్రధాన కారణం ఎస్ఆర్హెచ్ మ్యాచ్ సమయంలో కావ్య ఎక్స్ప్రెషన్స్, ఎమోషన్సే.
సన్ రైజర్స్ మ్యాచ్ ఓడిపోతే బాధ పడటం.. గెలిస్తే ఎగిరి గంతేయడం.. ఇలా ప్రతి మూవెంట్ను సెలబ్రేట్ చేసుకుంటుంది. ఈ క్రమంలోనే కావ్య మారన్ ఇచ్చిన మరో ఎక్స్ప్రెషన్ సోషల్ మీడియాలో వైరల్గా మారింది. ఐపీఎల్ 18లో భాగంగా శుక్రవారం (ఏప్రిల్ 25) చెపాక్ స్టేడియం వేదికగా ఎస్ఆర్హెచ్, సీఎస్కే తలపడ్డాయి. చెన్నై విధించిన 155 పరుగుల స్వల్ప లక్ష్యాన్ని సునాయసంగా ఛేదించి సన్ రైజర్స్ విజయం సాధించింది. ప్లే ఆఫ్ రేసులో నిలవాలంటే తప్పక గెలవాల్సిన డూ ఆర్ డై మ్యాచ్లో గెలిచి పోటీలో నిలిచింది.
అయితే.. సన్ రైజర్స్ ఇన్సింగ్స్లో ఒక ఇంట్రెస్టింగ్ సీన్ చోటు చేసుకుంది. ఎస్ఆర్హెచ్ ఇన్సింగ్స్లో చెన్నై స్పిన్నర్ నూర్ అహ్మద్ 16 ఓవర్ వేశాడు. ఈ ఓవర్లో నూర్ ఒక నోబాల్ వేశాడు. దీంతో ఎస్ఆర్హెచ్కు ఫ్రీ హిట్ లభించింది. 15 పరుగులతో అప్పటికే క్రీజులో ఉన్న కమిందు మెండిస్ ఆఫ్ స్టంప్ వెలుపల నూర్ అహ్మద్ విసిరిన ఫ్రీ హిట్ బాల్ను భారీ షాట్ కొట్టబోగా మిస్ అయ్యింది. బంగారం లాంటి ఫ్రీ హిట్ బాల్ను మెండిస్ డాట్ చేయడంతో కావ్య మారన్ తీవ్ర అసహనానికి గురైంది. ‘అబ్బే.. ఆ బాల్ కూడా కొట్టలేవా’ అన్న రీతిలో కావ్య రియాక్షన్ ఇచ్చింది. దీంతో కావ్య మారన్ రియాక్షన్ క్షణాల్లోనే సోషల్ మీడియాలో వైరల్గా మారింది.
