ఐపీఎల్‌లో సన్‌రైజర్స్‌ అనగానే ఆ జట్టు యజమాని కావ్య మారన్ సగటు తెలుగు అభిమానికి గుర్తుకు వస్తుంది. గెలుపోటములు పక్కనపెడితే కావ్య మారన్ ఇచ్చే క్యూట్‌ ఎక్స్‌ప్రెషన్స్‌ సోషల్ మీడియాలో తెగ వైరల్ అవుతాయి. గెలిస్తే ఓ రేంజ్ లో సెలెబ్రేషన్ చేసుకునే ఆమె.. ఓడిపోతే అంతే నిరాశకు గురవుతుంది. గత రెండేళ్లుగా అడపాదపా విజయాలతో సరిపెట్టుకున్న కావ్యమారన్.. ఈ సీజన్ లో మాత్రం కమ్మిన్స్ నాయకత్వంలో సంతోషంతో కళకళలాడిపోయింది.
అనుకున్నట్లుగానే ఈ సీజన్ లో హైదరాబాద్ జట్టు అంచనాలను అందుకుంటూ ప్లే ఆఫ్స్ కు చేరుకోవడమే కాదు.. ఫైనల్ కు చేరుకొని కావ్య మారన్ సంతోషాన్ని రెట్టింపు చేశాయి. అయితే ఫైనల్లో మాత్రం హైదరాబాద్ కు కోల్ కతా చేతిలో ఘోర ఓటమి తప్పలేదు. కనీసం పోరాడకుండానే చేతులెత్తేసింది. చెన్నైలోని చెపాక్ వేదికగా జరిగిన ఈ ఫైనల్లో సన్ రైజర్స్ విధించిన 114 పరుగుల లక్ష్యాన్ని మరో 57 బంతులు మిగిలి ఉండగానే 8 వికెట్లు కోల్పోయి ఛేజ్ చేసింది. ఇక మ్యాచ్ చేజారుతుందనుకున్న సమయంలో కావ్య మారన్ తీవ్ర నిరాశకు గురైంది.
మ్యాచ్ ముగిసిన తర్వాత ఆమె ఎమోషనల్ అయిపోయారు. తన కన్నీటిని దాచుకోలేకపోయారు. ఓ వైపు ఫైనల్ వరకు తీసుకొచ్చిన తమ ప్లేయర్లను ఎంకరేజ్ చేస్తూనే మరోవైపు తన దుఃఖాన్ని ఆపుకోలేకపోయింది. ఓ వైపు టైటిల్ పోయిన బాధ మరోవైపు కావ్యామారన్‌ను అలా చూడటంతో ఫ్యాన్స్ బాధించింది. కావ్య మారన్ కన్నీళ్లు పెడుతున్న వీడియో ప్రస్తుతం ఇంటర్నెట్‌లో బాగా షేర్ అవుతోంది. అంత బాధలో ఉన్న ఆమె ప్రత్యర్థి టీమ్‌ను అప్రిషియేట్ చేస్తూ చప్పట్లు కొట్టారని అది మెచ్చుకునే విషయమని కొంతమంది ఆ వీడియోపై కామెంట్ చేశారు.
Heart breaking scene, Kavya Maran crying 💔
— TeluguBigg (@TeluguBigg) May 26, 2024
Nevertheless, #SunrisersHyderabad played well and ended-up as runners of #IPL2024#KKRvsSRH pic.twitter.com/xPdz459eGO
