- ఘనంగా నిర్వహిస్తాం: తలసాని
హైదరాబాద్, వెలుగు: బీఆర్ఎస్ చీఫ్, మాజీ సీఎం కేసీఆర్ పుట్టిన రోజు వేడుకలను ఘనంగా నిర్వహిస్తామని ఆ పార్టీ ఎమ్మెల్యే తలసాని శ్రీనివాస్ యాదవ్ తెలిపారు. కేసీఆర్ 71వ పుట్టిన రోజు సందర్భంగా 71 కిలోల కేకును కట్ చేస్తామని చెప్పారు. కేసీఆర్ బర్త్ డే వేడుకలపై ఆదివారం తెలంగాణ భవన్లో తలసాని సమీక్ష నిర్వహించారు.
అనంతరం మీడియాతో మాట్లాడారు. సోమవారం ఉదయం 10 గంటలకు పుట్టినరోజు వేడుకలను ప్రారంభిస్తామని పేర్కొన్నారు. ఈ వేడుకలకు కేటీఆర్, హరీశ్, కవితతో పాటు ఎమ్మెల్సీలు, ఎమ్మెల్యేలు, ఎంపీలు పార్టీ నేతలు హాజరవుతారని వెల్లడించారు
