కేటీఆర్.. కేసీఆర్ మొసలి కన్నీరు కారుస్తున్నారని మంత్రి శ్రీధర్ బాబు అన్నారు. బీఆర్ఎస్ హయాంలో ఆర్థిక వ్యవస్థ చిన్నాభిన్నమయిందన్నారు. ధాన్యం కొనుగోలు విషయంలో బీఆర్ఎస్ తప్పుడు ప్రచారం చేస్తుందంటూ... ఇచ్చిన మాట ప్రకారం నిధుల కొరత ఉన్నా.. రైతు రుణమాఫీ చేశామన్నారు. సన్నవడ్లు పండించిన రైతులకు రూ. 500 బోనస్ ఇస్తున్నామన్నారు. ఇప్పటికి33 కోట్ల రూపాయిల బోనస్ ఇచ్చామన్నారు.
ప్రతి పక్షాలు బోనస్ ఇవ్వడం లేదని రైతులను రెచ్చగొట్టే విధంగా వ్యవహరిస్తున్నాయని మంత్రి శ్రీధర్ బాబు మండి పడ్డారు. బోనస్ విషయంలో రైతులు ఎలాంటి అపోహలకు పోవద్దని ఆయన తెలిపారు. ధాన్యం కొన్న ఐదారు రోజులకే బోనస్ ఇస్తున్నామన్నారు. పదేళ్లు అధికారంలో ఉన్న బీఆర్ఎస్ నేతలు రైతులను అన్యాయం చేశారంటూ.. ప్రభుత్వం చేపట్టే ప్రతి కార్యక్రమాన్ని అడ్డుకునే విధంగా వ్యవహరిస్తున్నారన్నారు.
