బెస్ట్ సీఎంలలో జగన్కు థర్డ్ ప్లేస్..
ఏబీపీ-సీ ఓటర్ సర్వేలో వెల్లడి
న్యూఢిల్లీ: దేశంలోని ముఖ్యమంత్రుల్లో నాలుగో వరస్ట్ సీఎం కేసీఆర్ అని ఏబీపీ–సీ ఓటర్ తాజా సర్వేలో తేలింది. బెస్ట్ సీఎంలలో ఏపీ ముఖ్యమంత్రి జగన్కు థర్డ్ ప్లేస్ దక్కింది. కరోనా క్రైసిస్‌ను దేశం ఎలా ఎదుర్కొంది? ప్రధాని మోడీ పాలన తీరు ఎలా ఉంది? ముఖ్యమంత్రుల పనితీరు ఎలా ఉంది? అనే అంశాలపై ఏబీపీ, సీ ఓటర్ సంస్థలు కలిసి ఇటీవల ఓ సర్వే చేపట్టాయి. 543 లోక్ సభ నియోజకవర్గాల్లో 30 వేల మందిని ప్రశ్నించాయి. ప్రధాని పనితీరుపై 66 శాతం మంది సంతోషం వ్యక్తం చేశారు. 30 శాతం మంది అసంతృప్తి వ్యక్తం చేశారు. మరో నాలుగు శాతం మంది ఏమీ చెప్పలే మన్నారు. ముఖ్యమంత్రుల విషయానికి వస్తే.. టాప్ 10 బెస్ట్ సీఎంలలో మొదటి స్థానంలో ఒడిశా సీఎం నవీన్ పట్నాయక్, రెండో ప్లేస్‌లో ఢిల్లీ సీఎం కేజ్రీవాల్ , మూడో ప్లేస్‌లో ఏపీ సీఎం జగన్ నిలిచారు. టాప్ 5 వరస్ట్ సీఎంలలో.. ఫస్ట్ వరస్ట్ సీఎంగా ఉత్తరాఖండ్ ముఖ్యమంత్రి త్రివేంద్ర సింగ్ రావత్ ఉండగా.. రెండో ప్లేస్‌లో హర్యానా సీఎం మనోహర్ లాల్ ఖట్టర్, మూడో ప్లేస్‌లో అమరీందర్ సింగ్, నాలుగో ప్లేస్‌లో తెలంగాణ సీఎం కేసీఆర్ ఉన్నారు. ఐదో ప్లేస్‌లో తమిళనాడు సీఎం పళనిస్వామి ఉన్నారు.
