కేసీఆర్ కిట్ పైసలు పడ్తలేవ్!.

డెలివరీలై ఏండ్లు దాటుతున్నా లబ్ధిదారులకు అందని సొమ్ము
కామారెడ్డి జిల్లాలో వేలాది మందికి విడతల వారీగా బకాయిలు
ప్రభుత్వం వెంటనే ఇవ్వాలని మహిళల డిమాండ్

కామారెడ్డి , వెలుగు: మాతా శిశు మరణాలు తగ్గించేందుకు, తల్లీ బిడ్డ ఆరోగ్యంగా ఉండేలా చూసేందుకు గవర్నమెంట్హాస్పిటల్స్లో డెలివరీల సంఖ్య పెంచాలనే ఉద్ధేశ్యంతో ప్రభుత్వం చేపట్టిన కేసీఆర్కిట్ ప్రోత్సాహక పైసలు కామారెడ్డి జిల్లాలో ఏడాది కాలంగా ఆగిపోయాయి. జిల్లాలో ఇప్పటి వరకు 36, 576 మందికి వివిధ విడతల వారీగా అందాల్సిన పైసలు పెండింగ్పడ్డాయి. పలుమార్లు ఆఫీసర్లను, సిబ్బందిని అడిగితే వస్తాయంటూ చెప్పడం తప్పా పైసలు మాత్రం అకౌంట్లలో పడ్తలేవని లబ్ధిదారులు వాపోతున్నారు.

స్కీమ్గైడ్లైన్స్..

పుట్టబోయే బిడ్డ ఆరోగ్యంగా ఉండాలంటే తల్లి మంచి పోషకాహారం తీసుకునేలా చూడడం, పుట్టిన తర్వాత బిడ్డకు టీకాలు సకాలంలో ఇప్పించడం లాంటి అంశాలకు అనుగుణంగా రాష్ర్ట ప్రభుత్వం 2017లో ‘కేసీఆర్కిట్’ స్కీమ్ తీసుకొచ్చింది. స్కీమ్ప్రకారం.. ఆడ పిల్ల జన్మిస్తే రూ.13 వేలు, మగ పిల్లవాడు అయితే రూ.12వేలతో పాటు, శిశువులకు వివిధ రకాల వస్తువులతో కూడిన కిట్ ఇస్తారు. పైసలు మాత్రం విడతల వారీగా అకౌంట్లలో వేస్తారు. ఇందులో సగం పైసలు కేంద్ర ప్రభుత్వం ఇస్తోంది. గర్భం దాల్చిన తర్వాత హెల్త్ స్టాప్ వద్ద ఏఎన్సీ గా ఎంట్రీ చేయించుకోవడం నెల నెలా చెకప్స్ చేయించడం లాంటివి చేయాలి. రెండో కాన్పు వరకు ఈ స్కీమ్ వర్తిస్తుంది. స్కీమ్తో పాటు, ప్రైవేట్లో డెలివరీకి ఖర్చు భారీగా అవుతుండడంతో ఎక్కువ మంది గవర్నమెంట్హాస్పిటల్స్లో డెలివరీలకు వస్తున్నారు. దీంతో జిల్లాలో గవర్నమెంట్ హాస్పిటల్స్లో డెలివరీల సంఖ్య గణనీయంగా పెరిగింది. స్కీమ్ ప్రవేశ పెట్టిన తర్వాత కొన్నాళ్ల పాటు పైసలు సకాలంలోనే ఇచ్చారు. ఆ తర్వాత వస్తువులతో కూడిన కిట్ ఇస్తున్నప్పటికీ , పైసలు మాత్రం చెల్లించడం లేదు. ఏడాదిన్నర కాలంలో జిల్లాలో ఒక్కరికీ పైసలు పడలేదు.

జిల్లాలో పరిస్థితి

జిల్లాలో ప్రస్తుతం ఏఎన్సీలో ఎంట్రీ అయిన వాళ్లు 18,918 మంది, డెలివరీ అయిన వాళ్లు 13,145 మంది, డెలివరీ తర్వాత మూడున్నర నెలలు పూర్తయిన వాళ్లు 19,042 మంది, డెలివరీ కావడానికి.. 9 నెలలు నిండిన వాళ్లు 17,534 మంది ఉన్నారు. జిల్లాలో వివిధ విడతల్లో లబ్ధిదారులకు చెల్లించాల్సిన కిట్పైసల్ రూ. 8 కోట్ల వరకు బకాయిలు ఉంటాయని హెల్త్ డిపార్ట్మెంట్వర్గాలు పేర్కొన్నాయి. చాలా మంది లబ్ధిదారులకు రెండో కాన్పు అయిన తర్వాత కూడా ఇంకా ఫస్ట్ డెలివరీ పైసలు రాలేదని చెప్తున్నారు. ఈమె కామారెడ్డికి చెందిన రేణుక. ఫస్ట్ డెలివరీలో పాప పుట్టింది. ఆ పాపకు రెండేండ్లు. మళ్లీ ఇప్పుడు సెకండ్ డెలివరీ అయ్యింది. కానీ ఫస్ట్ డెలివరీ అయినప్పుడు రూ.3 వేలు వస్తువులున్న కిట్ఇచ్చిన్రు. ఆ తర్వాత మళ్లీ పైసలు రాలే. ‘సీఎం సారు మాటమీద పైసలిస్తే బాగుండు’ అని వాపోయింది. ఈమె లింగంపేట మండల కేంద్రానికి చెందిన నవనీత. ‘డెలివరీ కాగానే కేసీఆర్కిట్ ఇచ్చారు. పైసలు మాత్రం అకౌంట్లో వేయలేదు. చాలా సార్లు అడిగితే వస్తాయని చెప్పారు. సకాలంలో పైసలు ఇస్తే నాతో పాటు, బిడ్డకు పౌష్ఠికాహారానికి అవసరమైన వస్తువులు కొనే అవకాశముండేది’ అని అంటోంది.

ఆన్లైన్లో ఎంట్రీ చేస్తున్నాం

‘కేసీఆర్ కిట్’ పైసలకు సంబంధించిన లబ్ధిదారుల వివరాలు ఎప్పటికప్పుడు ఆన్లైన్లో ఎంట్రీ చేస్తున్నాం. ఉన్నతాధికారులకు రిపోర్టులు పంపాం. కొన్ని నెలలుగా పైసలు పెండింగ్ లో ఉన్నది నిజమే.. కొంత ఆలస్యమైనా లబ్ధిదారులకు అకౌంట్లలో పైసలు పడ్తయ్.
- డాక్టర్ లక్ష్మన్సింగ్, డీఎంహెచ్వో