నాగర్ కర్నూల్ టౌన్, వెలుగు: ఇందిరమ్మ ఇండ్లకు రూ.3 వేల కరెంట్ బిల్లు వసూలు చేస్తున్నారని మాజీ మంత్రి నాగం జనార్దన్ రెడ్డి ఆగ్రహం వ్యక్తం చేశారు. ఆదివారం జిల్లా కేంద్రంలోని ఎస్సీ కాలనీలో పర్యటించారు. ఈ సందర్భంగా ఆయన మాట్లాడుతూ 25 ఏండ్ల కింద ఇచ్చిన ఇందిరమ్మ ఇండ్లలో కేసీఆర్ సర్కార్ విజిలెన్స్ దాడులు చేయించి కరెంట్ బిల్లులు వసూలు చేస్తున్నారని ఆరోపించారు. సీఎం కేసీఆర్, కేటీఆర్, హరీశ్రావు సమాధానం చెప్పాలని డిమాండ్ చేశారు.
ALSO READ :గతంలో కరెంట్ అడుక్కుంటే.. ఇప్పుడు పొరుగు రాష్ట్రాలకు ఇస్తున్నాం
ఇందిరమ్మ ఇంటి పేరు మీద రూ.3 వేలు వసూలు చేయడం ఏమిటని ప్రశ్నించారు. ఇందిరమ్మ ఇండ్లకు ప్రాపర్టీ ట్యాక్స్, పెనాల్టీలు వేస్తున్నారని ఆరోపించారు. ఉచిత కరెంట్ ఇవ్వాలని డిమాండ్ చేశారు. 12 గంటలు కూడా కరెంట్ ఇవ్వడం లేదని, కేఎల్ఐ, జూరాల నీళ్లు లేక ఎండిపోయాయని, రైతులు వేసిన విత్తనాలు ఎండి పోయాయని తెలిపారు. డీసీసీ ప్రధాన కార్యదర్శి అర్థం రవి, టి పాండు, కోటయ్య, కౌన్సిలర్ నిజాముద్దీన్ పాల్గొన్నారు.
