హుస్నాబాద్, వెలుగు: సిద్దిపేట జిల్లా హుస్నాబాద్కు చెందిన కేడం లింగమూర్తికి తగిన గౌరవం దక్కింది. జిల్లా గ్రంథాలయ సంస్థ చైర్మన్గా నియమిస్తూ గురువారం ప్రభుత్వం ఉత్తర్వులు జారీ చేసింది. 1984లో కాంగ్రెస్ లో చేరిన ఆయన ఎన్ఎస్యూఐ, యూత్వింగ్లో పనిచేశారు. 40 ఏండ్లుగా పార్టీ మారకుండా జెండా మోస్తున్నారు. ఏసీడీపీ మెంబర్గా, ఏఎంసీ వైస్చైర్మన్గా పనిచేశారు.
హుస్నాబాద్ మేజర్ గ్రామపంచాయతీ సర్పంచ్గా గ్రామ రాజకీయాల్లో చెరగని ముద్ర వేశారు. మాజీ ఎమ్మెల్యే బొమ్మ వెంకటేశ్వర్లు శిష్యుడిగా, ఇప్పటి మంత్రి పొన్నం ప్రభాకర్ ఎంపీగా ఉన్నప్పటి నుంచి ఆయనకు నమ్మకంగా ఉంటున్నారు. పార్టీకి అంకితభావంతో పనిచేస్తున్న లింగమూర్తికి జిల్లా గ్రంథాలయ సంస్థ చైర్మన్ పదవి రావడంతో కార్యకర్తలు అభినందనలు తెలుపుతున్నారు. ఈ సందర్భంగా మంత్రి పొన్నం ప్రభాకర్ శుభాకాంక్షలు తెలిపారు. నమ్మకాన్ని నిలబెడతా: లింగమూర్తి
పార్టీలో సామాన్య కార్యకర్తగా ప్రస్థానాన్ని ప్రారంభించిన నాకు జిలా గ్రంథాలయ సంస్థ చైర్మన్ పదవి లభించడం చాలా ఆనందంగా ఉంది. ఈ పదవిని ఒక బాధ్యతగా భావించి గ్రంథాలయ సంస్థ ప్రతిష్టను ఇనుమడింపజేస్తాను. ఈ అవకాశం కల్పించిన మంత్రి పొన్నం ప్రభాకర్కు హృదయపూర్వక ధన్యవాదాలు. ఆయన నమ్మకాన్ని నిలబెడతా.
