మహానటి కీర్తి సురేష్ (Keerthy Suresh) ప్రధాన పాత్రలోనటించిన లేటెస్ట్ మూవీ రఘు తాతా (Raghuthatha). దర్శకుడు సుమ‌న్‌కుమార్ తెరకెక్కించిన ఈ సినిమాను హోంబలే ఫిల్మ్స్ బ్యానర్ నిర్మించారు. ఇటీవలే (ఆగస్టు 15న) థియేటర్లలో విడుదలైన ఈ సినిమాకు మిక్స్డ్ టాక్ సొంతం చేసుకుంది. దీంతో థియేటర్లలో రిలీజైన నెలలోనే ఈ మూవీ ఓటీటీలోకి అడుగుపెడుతోంది.
రఘు తాత ఓటీటీ
రఘుతాత మూవీ శుక్రవారం సెప్టెంబర్ 13 నుంచి ప్రముఖ జీ5 ఓటీటీ ప్లాట్‍ఫామ్‍లో స్ట్రీమింగ్‍కు రానుంది. ఈ విషయాన్ని జీ5 ఓటీటీ నేడు (సెప్టెంబర్ 9న) అధికారికంగా వెల్లడించింది. “కడుపుబ్బా నవ్వించే ఫ్యామిలీ బ్లాక్‍బస్టర్‌కు రెడీగా ఉండండి. సెప్టెంబర్ 13న రఘుతాత స్ట్రీమింగ్‍కు రానుంది” అని జీ5 ఓటీటీ పోస్టర్ రిలీజ్ చేస్తూ స్ట్రీమింగ్ డేట్ ని వెల్లడించింది.
Kayal is coming to your home for blasting entertainment!😂🔥 #RaghuThatha will be streaming from September 13th only on ZEE5 in Tamil, Telugu, and Kannada. @KeerthyOfficial @hombalefilms @vkiragandur @sumank @vjsub @yaminiyag @RSeanRoldan @rhea_kongara @editorsuresh… pic.twitter.com/cHzOiIKlXa
— ZEE5 Tamil (@ZEE5Tamil) September 9, 2024
రఘు తాత కథ
రఘు తాత మూవీ కంటెంట్ ఓరియెంటెడ్ గా తెరకెక్కింది.1960ల బ్యాక్‍డ్రాప్‍లో హిందీ వ్యతిరేక ఉద్యమం అనే రాజకీయ అంశం చుట్టూ కామెడీ ప్రధానంగా రఘుతాత చిత్రం రూపొందింది. లవ్ స్టోరీ కూడా ఉంటుంది. ఒక మహిళ సమాజంలో ఎదుర్కొనే అనేక ఇబ్బందులను ఇందులో చాలా చక్కగా చూపించారు. ఈ సినిమా ద్వారా మంచి సందేశాన్ని ఇచ్చే ప్రయత్నం చేశారు డైరెక్టర్. ఈ సినిమాకు శ్యాన్‌ రోల్డన్‌ సంగీతం అందించగా, యామిని జ్ఞానమూర్తి చాయగ్రహణం అందించారు.
కీర్తి సురేశ్ లైనప్
ప్రస్తుతం కీర్తి సురేష్ తెలుగులో సుహాస్‍తో కలిసి ఉప్పుకప్పురంబు చిత్రంలో నటిస్తున్నారు. తమిళంలో ‘రివోల్టర్ రీటా’ పేరుతో మరో లేడీ ఓరియెంటెడ్ మూవీ చేస్తున్నారు.బాలీవుడ్ లో హీరో వరుణ్ ధావన్ తో కలిసి బేబీ జాన్ అనే సినిమా చేస్తోంది. తమిళంలోనూ కన్నివీడి అనే చిత్రాన్ని కూడా కీర్తి చేస్తున్నారు.
