కీసర, వెలుగు: కీసరగుట్టలో మహా శివరాత్రి బ్రహ్మోత్సవాలు సోమవారం మొదలయ్యాయి. ఈ సందర్భంగా ఆలయ ప్రధాన మండపంలో నిర్వహించిన గణపతి పూజలో మేడ్చల్ ఎమ్మెల్యే మల్లారెడ్డి పాల్గొన్నారు. ఆయన మాట్లాడుతూ.. బ్రహ్మోత్సవాలకు దాదాపు 5 లక్షల మంది భక్తులు వచ్చే అవకాశం ఉందన్నారు. ఆలయ చైర్మన్ తటాకం నారాయణశర్మ, ట్రస్ట్బోర్డు సభ్యులు పాల్గొన్నారు.
అలాగే గుట్టలో చేసిన ఏర్పాట్లను రాచకొండ సీపీ సుధీర్ బాబు పరిశీలించారు. సివిల్, ట్రాఫిక్ పోలీస్ సిబ్బంది, వివిధ శాఖల అధికారులతో సమన్వయ సమావేశం నిర్వహించారు. ఉత్సవాలు ముగిసే వరకు అప్రమత్తంగా ఉండాలని సూచించారు. మల్కాజిగిరి డీసీపీ పద్మజ, క్రైమ్ డీసీపీ అరవింద్ బాబు, ఐటీ సెల్ ఏసీపీ నరేందర్ గౌడ్ పాల్గొన్నారు.
