కీసర, వెలుగు: ఈ నెల 24 నుంచి మార్చి 1 వరకు కీసర గుట్ట శ్రీరామలింగేశ్వరస్వామి బ్రహ్మోత్సవాలను వైభవంగా నిర్వహించనున్నట్లు మేడ్చల్– మల్కాజిగిరి జిల్లా అడిషనల్కలెక్టర్విజయేందర్ రెడ్డి తెలిపారు. ఉత్సవాల ఏర్పాట్లపై మంగళవారం ఆలయ చైర్మన్ నారాయణశర్మ, ఈఓ సుధాకర్ రెడ్డి, అధికారులు, ఆలయ కమిటీతో సమన్వయ సమావేశం నిర్వహించారు. ఈ సందర్భంగా స్వామివారి దర్శనాలకు సంబంధించిన వెబ్సైట్ను ప్రారంభించారు.
అడిషనల్కలెక్టర్మాట్లాడుతూ.. భక్తులకు ఎలాంటి అసౌకర్యం కలగకుండా ఏర్పాట్లు చేయాలన్నారు. మహాశివరాత్రితోపాటు తర్వాత రోజుల్లో భక్తులు అధిక సంఖ్యలో తరలివస్తారని, క్యూలైన్లను పెంచాలని, తాగునీటికి ఇబ్బందులు లేకుండా చూడాలని చెప్పారు. ఆర్టీసీ, ఫైర్, విద్యుత్శాఖ అధికారులకు పలు సూచనలు చేశారు. ఆర్డీఓ ఉపేందర్ రెడ్డి, ఆయా శాఖల అధికారులు పాల్గొన్నారు.
