రాష్ట్రాన్ని ఆర్ధికంగా అభివృద్ది చేసేందుకు... నిరుద్యోగులకు ఉపాధి కల్పించే దిశగా రేవంత్ సర్కార్ అడుగులు వేస్తోంది. ఇప్పటికే పలు కంపెనీలను ఆహ్వానించిన తెలంగాణ ప్రభుత్వం శనివారం ( మార్చి 9)న మరో గ్రూప్తో కీలక ఒప్పందం చేసుకుంది. టాటా గ్రూప్ కంపెనీ ప్రతినిథులతో తెలంగాణ సచివాలయంలో సీఎం రేవంత్ రెడ్డి భేటీ అయ్యారు. రాష్ట్రంలోని 65 ఐటీఐ కాలేజీలలో అధునాతన సాంకేతిక నైపుణ్య శిక్షణ కేంద్రాల (స్కిల్లింగ్ సెంటర్లు) ఏర్పాటుకు టాటా కంపెనీ, ప్రభుత్వానికి మధ్య అగ్రిమెంట్ కుదిరింది. ఈ అగ్రిమెంట్ మేరకు రాష్ట్రంలోని ప్రభుత్వ ఐటీఐలను అడ్వాన్స్‌డ్ టెక్నాలజీ సెంటర్లుగా టాటా టెక్నాలజీస్ లిమిటెడ్ కంపెనీ అప్ గ్రేడ్ చేయనుంది.ఒప్పందానికి సంబంధించిన ఎంవోయూ పత్రాలపై అధికారులు సంతకాలు చేశారు.
ALSO READ :-భారత్ మమ్మల్ని క్షమించాలి: మాల్దీవ్స్ మాజీ అధ్యక్షుడు
2024–25 విద్యాసంవత్సరం నుంచి ఈ ప్రాజెక్ట్ ను అమలు చేసేందుకు ప్రభుత్వం సన్నాహాలు జరుపుతుంది. ప్రభుత్వ భాగస్వామ్యంతో చేపడుతున్న ఈ ప్రాజెక్ట్ కింద 9 లాంగ్ టర్మ్, 23 షార్ట్ టర్మ్ కోర్సులతో పాటు నైపుణ్యాల మధ్య అంతరాన్ని తగ్గించే బ్రిడ్జి కోర్సుల నిర్వహణను టాటా టెక్నాలజీస్ అందిచనుంది. ఈ సమావేశంలో ఉప ముఖ్యమంత్రి భట్టి విక్రమార్క, మంత్రి శ్రీధర్ బాబు, ప్రభుత్వ ప్రధాన కార్యదర్శి శాంతి కుమారి, ఇతర అధికారులు పాల్గొన్నారు. ఈ భేటీలోనే టాటా కంపెనీకి ప్రభుత్వానికి మధ్య కుదిరింది.
