కీవ్: తమ దేశానికి నాటోలో సభ్యత్వం ఇస్తే.. ఉక్రెయిన్ అధ్యక్షుడిగా వెంటనే రాజీనామా చేస్తానని ఆ దేశ ప్రెసిడెంట్ వోలోదిమిర్ జెలెన్ స్కీ అన్నారు. కీవ్లో ఆదివారం నిర్వహించిన మీడియా సమావేశంలో ఆయన మాట్లాడారు. ‘‘నా రాజీనామాతో ఉక్రెయిన్లో శాంతి నెలకొనే పరిస్థితి ఉంటే, అందుకు నేను రెడీ. ఇప్పటికిపుడు ఉక్రెయిన్ అధ్యక్షుడిగా తప్పుకుంటా.
అయితే.. నా దేశానికి నాటోలో సభ్యత్వం ఇవ్వాలి. అంతేకాకుండా.. రష్యా దాడుల నుంచి అమెరికా మాకు సెక్యూరిటీ కల్పించాలి. ఎందుకంటే, అమెరికా నుంచి ఈ గ్యారంటీలు అత్యవసరం. అలాగే, ఉక్రెయిన్కు ఆయన భాగస్వామిగా ఉండాలి. రష్యా, ఉక్రెయిన్ మధ్య మధ్యవర్తిత్వం వహించాలి” అని జెలెన్ స్కీ పేర్కొన్నారు.
