ఖైరతాబాద్, వెలుగు:ఖైరతాబాద్ గణేశ్ విగ్రహ తయారీ ఏర్పాట్లను నిర్వాహకులు ప్రారంభించారు. విగ్రహ తయారీకి ముందు నిర్జల్ ఏకాదశి రోజున ప్రతి ఏడాది కర్రపూజ నిర్వహించడం ఆనవాయితీ. ఈ మేరకు సోమవారం సాయంత్రం తొలిపూజగా స్థానిక ఎమ్మెల్యే దానం నాగేందర్ ఆధ్వర్యంలో కర్ర పూజ నిర్వహించారు.
కాగా, ఖైరతాబాద్లో మహా గణపతిని ప్రతిష్టించి ఈ ఏడాదితో 70 ఏండ్లు పూర్తవుతున్న సందర్భంగా ఈ సారి 70 అడుగుల విగ్రహాన్ని ఏర్పాటు చేయాలని నిర్వాహకులు భావిస్తున్నట్టు తెలిసింది. ఈ సందర్భంగా ఎమ్మెల్యే దానం నాగేందర్ మాట్లాడుతూ.. గతంలో కంటే మెరుగ్గా గణేశ్ఉత్సవాలను నిర్వహించాలని ముఖ్యమంత్రి రేవంత్ రెడ్డి ఆదేశించినట్టు తెలిపారు. గత ఏడాది మాదిరిగానే గణేశుడిని దర్శించుకోవడానికి వచ్చే భక్తు లందరికీ ప్రసాదం ఇచ్చేలా చర్యలు తీసుకుంటామని అన్నారు. ఎన్నోఏండ్లుగా ఉత్సవాలు జరుగుతున్నాయని, అడహక్ కమిటీ ఆధ్వర్యంలో స్థానికులతో కమిటీ ఉంటుందని ఎమ్మెల్యే పేర్కొన్నారు.
ఖైరతాబాద్ గణేశ్ఉత్సవాలకు దేశ వ్యాప్తంగా కీర్తి ప్రతిష్టలు ఉన్నాయని, ఇక్కడకు వచ్చే భక్తులకు ఎటువంటి ఇబ్బందులు లేకుండా అన్నిఏర్పాట్లు చేస్తామన్నారు. ఈ మేరకు జీహెచ్ఎంసీ, విద్యుత్, పోలీసులు, రోడ్లు భవనాల శాఖ అధికారులు ఏర్పాట్లు చేసినట్టు చెప్పారు. భాగ్యనగర్గణేశ్ఉత్సవ కమిటీ కార్యదర్శి భగవంతరావు, కోశాధికారి శశిధర్, టాస్క్ ఫోర్స్డీసీపీ సాధన రాష్మీ పెరుమాళ్, అదనపు డీసీపీ ఆనంద్, చిక్కడ పల్లి ఏసీపీ రమేశ్, గాంధీనగర్ ఏసీపీ మొఘలయ్య కార్యక్రమంలో పాల్గొన్నారు.
