- ఖమ్మం సీపీ సునీల్ దత్
ఖమ్మం టౌన్, వెలుగు : నంబర్ ప్లేట్ లేకుండా వెహికల్స్ నడిపితే కేసులు నమోదు చేస్తామని ఖమ్మం పోలీస్ కమిషనర్ సునీల్ దత్ హెచ్చరించారు. శుక్రవారం ఆయన ట్రాఫిక్ పోలీస్ స్టేషన్ ను సందర్శించారు. నగరంలో నంబర్ ప్లేట్ లేకుండా డ్రైవ్ చేస్తూ పట్టుబడిన 45 మంది ద్విచక్ర వాహనదారులకు సీపీ కౌన్సిలింగ్ ఇచ్చారు. చైన్ స్నాచింగ్, దొంగతనాలు చేస్తున్న దుండగులు పోలీసుల నుంచి తప్పించుకునేందుకు వాహనాల నంబరు ప్లేట్ తొలగిస్తున్నారని చెప్పారు.
ఈ క్రమంలో ఇలాంటి వెహికల్స్పై స్పెషల్ డ్రైవ్ చేయాలని నిర్ణయించామన్నారు. మైనర్లకు వాహనాలు ఇచ్చినా ఎంవీ యాక్ట్ కింద కేసులను నమోదు చేస్తామని హెచ్చరించారు. కార్యక్రమంలో ట్రాఫిక్ ఏసీపీ శ్రీనివాసులు, సీఐ మోహన్ బాబు, ఎస్సై రవి, సాగర్ పాల్గొన్నారు.
