అత్యాచారయత్నం చేసి పెట్రోల్ పోసిన ఇంటి ఓనర్ కొడుకు
ఖమ్మం, వెలుగు: ఖమ్మంలో బాలిక (13)పై అత్యాచారయత్నం, పెట్రోల్ పోసి నిప్పంటించిన ఘటనలో బాధితురాలు కన్నుమూసింది. హైదరాబాద్ లోని ఓ ప్రైవేట్ ఆస్పత్రిలో ట్రీట్మెంట్ తీసుకుంటున్న బాలిక గురువారం రాత్రి చనిపోయింది. గత నెల 18న ఖమ్మం ముస్తఫా నగర్ లో కోరిక తీర్చలేదని బాలికపై ఇంటి ఓనర్ కొడుకు పెట్రోల్ పోసి నిప్పంటించాడు. 75 శాతం కాలిన గాయాలైన బాలికకు ఖమ్మంలోని శ్రీపూజ ఆస్పత్రిలో ఇంటి ఓనర్ అల్లం సుబ్బారావు రహస్యంగా ట్రీట్మెంట్ చేయించారు. ఈ నెల 5న కోమా నుంచి బయటపడ్డ అమ్మాయి.. అసలు విషయం చెప్పడంతో దారుణం గురించి తెలిసింది. బెటర్ ట్రీట్మెంట్ కోసం తల్లిదండ్రులు హైదరాబాద్ లోని ఉస్మానియా ఆస్పత్రికి తరలించారు. మంత్రి సత్యవతి రాథోడ్ ఆదేశాలతో అక్కడ నుంచి రెయిన్ బో ఆస్పత్రికి తీసుకెళ్లారు. వారం రోజులుగా అక్కడ ట్రీట్మెంట్ తీసుకుంటున్న బాలిక గురువారం రాత్రి చనిపోయింది. బాలికపై దారుణానికి పాల్పడిన మారయ్యను ఈనెల 6న పోలీసులు అరెస్ట్ చేయగా, ప్రస్తుతం రిమాండ్లో ఉన్నాడు.
For More News..
