ఆదిలాబాద్ టౌన్, వెలుగు: రోగులకు మెరుగైన వైద్య సేవలు అందించాలని ఖానాపూర్ ఎమ్మెల్యే వెడ్మ బొజ్జు పటేల్ అధికారులను ఆదేశించారు. ఆదిలాబాద్ జిల్లా కేంద్రంలోని రిమ్స్ ఆస్పత్రిని ఆదివారం ఆయన సందర్శించారు. ఆస్పత్రిలో రోగులతో మాట్లాడారు. వారికి అందిస్తున్న వైద్య సేవలపై రిమ్స్ డైరెక్టర్ జైసింగ్ రాథోడ్ను అడిగి తెలుసుకున్నారు.
ఆస్పత్రికి వచ్చే రోగులకు ఎలాంటి ఇబ్బందులు తలెత్తకుండా అన్ని ఏర్పాట్లు చేపట్టాలని సూచించారు. భోజనంలో నాణ్యతా ప్రమాణాలు పాటించాలన్నారు. ఆయన వెంట యూత్ కాంగ్రెస్ అసెంబ్లీ జనరల్ సెక్రెటరీ సామ రూపేశ్ రెడ్డి తదితరులున్నారు.
