శంషాబాద్, వెలుగు: రంగారెడ్డి జిల్లా శంషాబాద్ మున్సిపాలిటీ పరిధిలో ఏడాది బాలుడు కిడ్నాపునకు గురయ్యాడు. ఎయిర్పోర్టు పోలీసుల వివరాల ప్రకారం.. ఆర్బీ నగర్ సమీపంలోని హుడా కాలనీ పార్కు పక్కన పాలమూరు నుంచి వలస వచ్చి మురళి, స్వాతి అనే దంపతులు జీవిస్తున్నారు. వీరికి ఒక పాప, బాబు ఉండగా, అంతా కలిసి గురువారం రాత్రి గుడిసెలో నిద్రించారు. ఉదయం లేచిచూసేసరికి బాలుడు ఈశ్వర్ కన్పించకపోవడంతో తల్లిదండ్రులు పోలీసులకు ఫిర్యాదు చేశారు. ఘటనపై కేసు నమోదు చేసి దర్యాప్తు చేస్తున్నట్లు సీఐ బాలరాజు తెలిపారు.
