ఇంగ్లండ్ వేదికగా జరుగుతోన్న మెన్స్ హండ్రెడ్ బాల్ లీగ్ టోర్నీలో విండీస్ విధ్వంసకర బ్యాటర్ కీరన్ పోలార్డ్ విశ్వరూపం ప్రదర్శించాడు. ప్రపంచ క్రికెట్‌లో అత్యుత్తమ స్పిన్నర్‌గా చలామణి అవుతోన్న ఆఫ్ఘన్ మాంత్రికుడు రషీద్ ఖాన్‌ను ఊచకోత కోశాడు. అతని బౌలింగ్‌లో వరుసగా 5 బంతుల్లో 5 సిక్స్‌లు బాదాడు. దాంతో, మ్యాచ్ ఫలితమే మారిపోయింది.
6, 6, 6, 6, 6
హండ్రెడ్ బాల్ లీగ్‌లో భాగంగా శనివారం(ఆగష్టు 10) సదరన్ బ్రేవ్, ట్రెంట్ రాకెట్స్ జట్ల మధ్య మ్యాచ్ జరిగింది. మొదట బ్యాటింగ్ చేసిన ట్రెంట్ రాకెట్స్ నిర్ణీత 10 బంతుల్లో 8 వికెట్లకు 126 పరుగులు చేసింది. క్రిస్ జోర్గాన్(3/22), జోఫ్రా ఆర్చర్(2/18) కట్టడిగా బౌలింగ్ చేశారు. అనంతరం లక్ష్యచేధనకు దిగిన సౌథెర్న్ బ్రేవ్ 80 బంతులు ముగిసేసరికి 6 వికెట్లు నష్టపోయి 78 పరుగులు చేసింది. వారి విజయానికి చివరి 20 బంతుల్లో 49 పరుగులు అవసరమయ్యాయి. ఆ సమయంలో పొలార్డ్ పూనకం వచ్చినట్లు ఊగిపోయాడు.
రషీద్ ఖాన్ వేసిన వరుస 5 బంతులను స్టాండ్స్ లోకి పంపాడు. దాంతో, 5 బంతుల్లోనే 30 పరుగులు రావడంతో మ్యాచ్ స్వరూపమూ మారిపోయింది. అప్పటివరకూ మ్యాచ్ ట్రెంట్ రాకెట్స్ వైపు ఉంటే, ఆ ఐదు బంతుల దెబ్బకు సదరన్ బ్రేవ్ విజయం సాధించింది. పొలార్డ్ విధ్వంసానికి సంబంధించిన వీడియో నెట్టింట వైరల్‌ అవుతోంది.
Kieron Pollard hitting FIVE SIXES IN A ROW! 😱#TheHundred | #RoadToTheEliminator pic.twitter.com/WGIgPFRJAP
— The Hundred (@thehundred) August 10, 2024
