హైదరాబాద్, వెలుగు: వరద బాధితుల సహాయార్థం ముఖ్యమంత్రి సహాయనిధికి కిమ్స్ హాస్పిటల్ రూ.కోటి విరాళం అందజేసింది. ఈ మేరకు సచివాల యంలో ముఖ్యమంత్రి రేవంత్ రెడ్డిని కిమ్స్ హాస్పిటల్ ఎండీ భాస్కర్ రావు కలిసి చెక్కును అందజేశారు.
కాగా..సీఎం రేవంత్ రెడ్డిని సినీ గీత రచయిత చంద్రబోస్ సెక్రటేరియేట్లో మర్యాద పూర్వకంగా కలిశారు. ఆర్ఆర్ఆర్ సినిమాలో నాటు నాటు పాటకు చంద్రబోస్ ఆస్కార్ కు అవార్డు వచ్చిన విషయం తెలిసిందే. ఈ సందర్భంగా చంద్రబోస్ ను సీఎం అభినందించారు.
