KA OTT update: తెలుగులో ప్రముఖ హీరో కిరణ్ అబ్బవరం గత కొన్నేళ్లుగా సరైన హిట్ లేక ఇబ్బంది పడుతున్నాడు. దీంతో కొంతసమ్ గ్యాప్ తీసుకుని "క" అనే సినిమాతో ప్రేక్షకుల ముందుకువచ్చాడు. ఈ సినిమా సూపర్ హిట్ అయ్యింది. అయితే ఈ సినిమాలో కిరణ్ కి జోడీగా నయన్ సారిక, తన్వీ రామ్ తదితరులు నటించారు.
ఈ సినిమాలో కిరణ్ అబ్బవరం పోస్ట్ మెన్ పాత్రలో నటించాడు. యాక్షన్ డ్రామా సస్పెన్స్ బ్యాక్ డ్రాప్ లో తెరకెక్కిన క సినిమా తెలుగులో మాత్రమే దాదాపుగా 50 కోట్లు (గ్రాస్) కలెక్ట్స్ చేసింది. నవంబర్ 22న మలయాళం భాషలో రిలీజ్ కాగా అక్కడ కూడా మంచి పాజిటివ్ రెస్పాన్స్ తో దూసుకుపోతోంది. ఇక తమిళ్ లో కూడా ఫర్వాలేదనిపించినప్పటికీ అక్కడ అమరన్ సినిమా హిట్ టాక్ తో ఉండటంతో క సినిమాకి పెద్దగా ఆదరణ దక్కలేదు.
ALSO READ | KA OTT update: ఓటిటి రిలీజ్ డేట్ ఫిక్స్ చేసుకున్న కిరణ్ అబ్బవరం "క"... ఎప్పుడంటే.?
అయితే క సినిమా ఓటిటి హక్కులను ఈటీవి విన్ దక్కించుకుంది. దీంతో నవంబర్ 28 నుంచి క సినిమా ఈటీవి విన్ లో ప్రసారం కాబోతోంది. క సినిమా ఓటిటి హక్కుల కోసం దాదాపుగా రూ.6 కోట్లు వెచ్చించినట్లు సమాచారం. కిరణ్ అబ్బవరం కెరీర్ లోనే ఈ అత్యధిక కలెక్షన్లు, అలాగే ఓటిటి రైట్స్ సాధించిన చిత్రంగా క సినిమా నిలిచింది.
ఈ విషయం ఇలా ఉండగా ప్రస్తుతం కిరణ్ అబ్బవరం క సినిమా సక్సెస్ ని ఎంజాయ్ చేస్తున్నాడు. అయితే త్వరలోనే క సినిమా సీక్వెల్ అనౌన్స్ చేసే అవకాశాలు ఉన్నాయి. ఇప్పటికే క సినిమా డైరెక్టర్లు సందీప్, సుజిత్ స్క్రిప్ట్ పనులు స్టార్ట్ చేసినట్లు సమాచారం.
