ప్రస్తుతం టాలీవుడ్ ఇండస్ట్రీలో జయాపజయాలతో సంబంధం లేకుండా వరుస సినిమాలు చేస్తున్న కుర్ర హీరో ఎవరంటే టక్కున గుర్తొచ్చే పేరు కిరణ్ అబ్బవరం. రిజల్ట్ ఏదైనా.. ఏడాదికి కనీసం మూడు సినిమాలైనా రిలీజ్ అయ్యేలా ప్లాన్ చేసుకున్తున్నాడు. ఈ ఏడాది ఇప్పటికె వినరో భాగ్యము విష్ణు కథ మూవీ ప్రేక్షకులముందుకి వచ్చి మంచి విజయాన్ని అందుకున్నాడు.
గీత ఆర్ట్స్ బ్యానర్ పై స్టార్ ప్రొడ్యూసర్ అల్లు అరవింద్ నిర్మించినా ఈ సినిమా మంచి కలెక్షన్స్ రాబట్టింది. ఈ సినిమా తరువాత కిరణ్ అబ్బవరం చేసిన మాస్ మసాలా సినిమా మీటర్. రమేష్ కాడూరి డైరెక్షన్ లో వచ్చిన ఈ మూవీ డిజాస్టర్ గా నిలిచింది. అందుకె ఈ సినిమాని వీలైనంత త్వరగా OTT రిలీజ్ చేయాలనీ ప్లాన్ చేస్తున్నారట మేకర్స్.
ఇందులో భాగంగానే తాజాగా ఈ మూవీ OTT రిలీజ్ డేట్ ని అనౌన్స్ చేశారు. ఈ సినిమా OTT హక్కులను నెట్‌ఫ్లిక్స్ సంస్థ దక్కించుకోగా.. మే 5నుంచి ఈ సినిమాని స్ట్రీమింగ్‌ చేయనున్నారు. అవుట్ అండ్‌ అవుట్ యాక్షన్‌ ఎంటర్‌టైనర్‌గా వచ్చిన ఈ సినిమాను క్లాప్‌ ఎంటర్‌టైనమెంట్స్ సంస్థ నిర్మించగా.. సాయి కార్తిక్‌ సంగీతం అందించాడు.
