- మరోసారి తన కేబినెట్లోకి తీసుకున్న మోదీ
హైదరాబాద్, వెలుగు: కేంద్రంలో కొలువుదీరిన మోదీ ప్రభుత్వంలో మరోసారి హైదరాబాద్నగరానికి ప్రాధాన్యత లభించింది. ఎంపీగా రెండోసారి విజయం సాధించిన కిషన్రెడ్డిని.. మోదీ మరోసారి తన కేబినెట్లోకి తీసుకున్నారు. బీజేపీ రాష్ట్ర అధ్యక్షుడిగా కూడా బాధ్యతలు నిర్వహిస్తున్న కిషన్రెడ్డి 2019లో జరిగిన పార్లమెంట్ఎన్నికల్లో మొదటిసారి ఎంపీగా విజయం సాధించారు. ఇటీవల జరిగిన పార్లమెంట్ఎన్నికల్లోనూ సికింద్రాబాద్ స్థానం నుంచి రెండోసారి గెలుపొందారు. మొదటిసారి గెలిచినప్పుడు కిషన్రెడ్డికి కేంద్ర హోంశాఖ సహాయ మంత్రి పదవి లభించింది.
మంత్రివర్గ విస్తరణలో కేంద్ర టూరిజం, ఈశాన్య రాష్ట్రాల అభివృద్ధి శాఖ మంత్రిగా నియమితులయ్యారు. 2019 మే 30 నుంచి 2021 జులై 7 వరకు కేంద్ర హోంశాఖ సహాయ మంత్రిగా ఆయన పనిచేశారు. 2024 సాధారణ ఎన్నికల వరకు కూడా ఆయన టూరిజం శాఖ మంత్రిగానే కొనసాగారు. మంత్రిగానే కాకుండా రాష్ట్ర పార్టీ అధ్యక్షుడిగా కూడా ఈసారి ఎన్నికల్లో బీజేపీకి 8 సీట్లు సాధించడంలో కిషన్రెడ్డి కీలకంగా వ్యవహరించారు.
కేంద్ర మంత్రి అయినా హైదరాబాద్గల్లీగల్లీలో తిరిగి ప్రజల సమస్యలను తెలుసుకునే నేతగా కిషన్రెడ్డికి మాస్ఫాలోయింగ్వుంది. మరోసారి ఆయనకు మంత్రివర్గంలో స్థానం లభించడంతో గ్రేటర్హైదరాబాద్ పరిధిలోని బీజేపీ నాయకులు, కార్యకర్తలు సంబురాలు చేసుకున్నారు.
