అల్లు అర్జున్ హీరోగా సుకుమార్ దర్శకత్వంలో రూపొందిన మూవీ ‘పుష్ప2 ది రూల్’. మైత్రీ మూవీ మేకర్స్ సంస్థ భారీ బడ్జెట్‌‌తో నిర్మిస్తున్న ఈ చిత్రం డిసెంబర్ 5న వరల్డ్‌‌వైడ్‌‌గా విడుదల కానుంది. ఇప్పటికే విడుదలైన ప్రమోషనల్ కంటెంట్‌‌కు ట్రెమండెస్ రెస్పాన్స్ వచ్చింది. ఆదివారం ఈ చిత్రంలోని స్పెషల్ సాంగ్‌‌ను రిలీజ్ చేశారు.
‘కిస్సిక్’ అంటూ సాగే ఈ మాసివ్ సాంగ్‌‌లో అల్లు అర్జున్, శ్రీలీల మెస్మరైజింగ్ డ్యాన్స్ మూమెంట్స్‌‌తో ఆకట్టుకున్నారు. ‘దించర దించర దించు.. మావయ్య వచ్చాడు దించు.. కిస్ కిస్ కిస్సిక్.. దించర దించర దించు.. బావయ్య వచ్చాడు దించు.. కిస్ కిస్ కిస్సిక్.. చిచ్చా వచ్చాడు దించు.. మచ్చా వచ్చాడు దించు.. మావోడు వచ్చాడు మీవోడు వచ్చాడు మనవోడు వచ్చాడు దించు.. వాళ్లతో ఫొటో వీళ్లతో ఫొటో ఆల్బమ్‌‌లో అంటించు.. మరి నాతో దిగిన బొమ్మను బాబు లాకర్‌‌‌‌లో దాచుంచు.. పుసుక్కున ఈ కిసుక్కులు బయటికి వచ్చాయో దెబ్బలు పడతాయి రాజా.. దెబ్బలు పడతాయిరో..’ అంటూ పార్టీ మూడ్‌‌లో సాగిన పాట సినిమాపై ఆసక్తిని పెంచుతోంది.
దేవిశ్రీ ప్రసాద్ కంపోజ్ చేయగా, చంద్రబోస్ మాసివ్ లిరిక్స్ రాశారు. సుబ్‌‌లాషిని పాడిన తీరు, గణేష్ ఆచార్య కొరియోగ్రఫీ ఇంప్రెస్ చేస్తున్నాయి. చెన్నైలో నిర్వహించిన ఈ సాంగ్ లాంచ్ ఈవెంట్‌‌లో అల్లు అర్జున్‌‌తో పాటు హీరోయిన్స్ రష్మిక, శ్రీలీల, నిర్మాతలు నవీన్ యెర్నేని, రవిశంకర్ యలమంచిలి, చెర్రీ, మ్యూజిక్ డైరెక్టర్ దేవిశ్రీ ప్రసాద్ పాల్గొన్నారు.
