మొక్కజొన్న పొత్తుల్ని కాల్చి లేదా ఉడికించి తింటుంటారు. కానీ, వాటితో బోలెడన్ని వెరైటీలు చేయొచ్చు. ఒకటేమో బటర్ బాత్ చేసిన కార్న్, ఇంకోటేమో ఎర్రని తందూరీ కార్న్.. అంతెందుకు కార్న్తో ఉప్మా, బ్రెడ్, కార్న్ కలిపి మసాలా టోస్ట్ కూడా చేసేయొచ్చు.
కావాల్సినవి
స్వీట్ కార్న్ : రెండు
ఆలివ్ నూనె : పావు కప్పు
మిరియాల పొడి : పావు టీస్పూన్
ఆనియన్ పౌడర్ : ఒక టీస్పూన్
గార్లిక్ లేదా చిల్లీపౌడర్ : ఒక టీస్పూన్
స్మోక్డ్ పాప్రిక : అర టీస్పూన్
ఉప్పు : సరిపడా
కొత్తిమీర, నెయ్యి : కొంచెం
తయారీ : స్వీట్ కార్న్ని నిలువుగా కట్ చేయాలి. ఒక గిన్నెలో ఆలివ్ నూనె, ఆనియన్ పౌడర్, మిరియాల పొడి, గార్లిక్ లేదా చిల్లీ పౌడర్, స్మోక్డ్ పాప్రిక, ఉప్పు వేసి కలపాలి. ఆ మిశ్రమాన్ని కట్ చేసిన స్వీట్ కార్న్కి పూయాలి. పాన్కి నూనె పూసి, అందులో స్వీట్ కార్న్ను వరుసగా పేర్చి, మూత పెట్టి ఓ మాదిరి మంట మీద కాల్చాలి. అవి బాగా ఉడికాక వాటిపై నెయ్యి పూసి, కొత్తిమీర తరుగు చల్లితే కార్న్ రిబ్స్ రెడీ. వీటిని పాన్లో కాకుండా గ్రిల్డ్ పాన్పై కాల్చొచ్చు లేదా ఒవెన్లో కూడా ఉడికించొచ్చు. ఈ రెసిపీకి కావాల్సిన ఆనియన్, గార్లిక్ లేదా చిల్లీ పౌడర్, స్మోక్డ్ పాప్రిక.. మార్కెట్లో దొరుకుతాయి.
