ముంబైలోని వాంఖడే స్టేడియం వేదికగా జరుగుతోన్న మ్యాచులో కోల్కత్తా పీకల్లోతూ కష్టాల్లో పడింది. సొంతగడ్డపై ముంబై బౌలర్లు విజృంభించడంతో కేకేఆర్ టాపార్డర్ కుప్పకూలింది. వచ్చిన బ్యాటర్లు వచ్చినట్లే పెవిలియన్కు క్యూ కట్టారు. లాస్ట్ మ్యాచులో భారీ ఇన్సింగ్స్తో ఆకట్టుకున్న ఓపెనర్ క్వింటన్ డికాక్ ముంబైపై విఫలమయ్యాడు.
కేవలం 1 రన్ మాత్రమే చేసి దీపక్ చాహర్ బౌలింగ్లో అశ్వినీ కుమార్కు క్యాచ్ ఇచ్చి ఔట్ అయ్యాడు. మరో ఓపెనర్ సునీల్ నరైన్ దారుణంగా విఫలమయ్యాడు. కనీసం పరుగుల ఖాతా కూడా తెరవకుండా డకౌట్ అయ్యాడు. కెప్టెన్ అజింక్య రహానే (11), ఆల్ రౌండర్ వెంకటేష్ అయ్యర్ (3) చేతులేత్తేశారు. ఈ దశలో యంగ్ బ్యాటర్స్ అంగ్క్రిష్ రఘువంశీ, రింకు సింగ్ కాసేపు వికెట్ల ప్రవాహానికి అడ్డుకట్ట వేశారు.
ఓ వైపు వికెట్లు పడుతున్న మరోవైపు ముంబై బౌలర్లపై ఎదురుదాడికి దిగిన రఘువంశీ (26).. వేగంగా ఆడే క్రమంలో హార్ధిక్ పాండ్యా బౌలింగ్లో క్యాచ్ ఔట్ అయ్యాడు. ప్రస్తుతం కోల్కతా 10 ఓవర్లలో 5 వికెట్లు కోల్పోయి 74 పరుగులు చేసింది. రింకు సింగ్ (17), మనీష్ పాండే (15) ప్రస్తుతం క్రీజులో ఉన్నారు. కేకేఆర్ ఆశలన్నీ ఈ ఇద్దరిపైనే ఉన్నాయి. ముంబై బౌలర్లో బౌల్ట్ ఒక వికెట్ తీయగా.. దీపక్ చాహర్, అశ్వినీ కుమార్ చెరో రెండు వికెట్లు పడగొట్టారు.
