కొత్త జంట కేఎల్ రాహుల్, అతియా శెట్టి మధ్యప్రదేశ్లోని మహాకాళేశ్వర ఆలయాన్ని సందర్శించారు. వివాహం తర్వాత మొదటిసారిగా ఈ జోడీ మహాకాళేశ్వరంలోని జ్యోతిర్లింగానికి ప్రత్యేక పూజలు నిర్వహించారు. ఆదివారం తెల్లవారుజామున 4గంటలకు బాబా మహాకాల్ ఉజ్జయిని భస్మ హారతిలో పాల్గొన్నారు. ఆ తర్వాత లింగానికి అభిషేకం చేశారు. అర్చకులు కేఎల్ రాహుల్ దంపతులకు తీర్థప్రసాదాలు అందించారు. స్వామివారి దర్శనం అనంతరం నంది హాలులో కూర్చోని ధ్యానం చేశారు. ఆ తర్వాత ఆలయ ప్రాంగణం అంతా తిరిగారు.
కొన్నేళ్లుగా ప్రేమించుకున్న కేఎల్ రాహుల్- బాలీవుడ్ నటి అతియా శెట్టిలు జనవరి 23న వివాహం చేసుకున్నారు. ఇక ఆస్ట్రేలియాతో టెస్టు సిరీస్ లో ఆడుతున్న కేఎల్ రాహుల్ తొలి రెండు టెస్టుల అనంతరం విరామం లభించడంతో భార్యతో కలిసి పుణ్యక్షేత్రాలను సందర్శిస్తున్నాడు. ఇందులో భాగంగా ఉజ్జయినిలోని మహాకాళేశ్వర ఆలయాన్ని సందర్శించాడు.
