- వంద శాతం ప్లేస్మెంట్స్ సాధించేలా విద్యా బోధన
- 70 శాతం ప్రాక్టికల్స్, 30 శాతం థియరీతో క్లాసులు
- లోకల్ బిజినెస్ నీడ్స్ కు అనుగుణంగా వర్సిటీ కరిక్యూలమ్
- ఒక సెమిస్టర్ విదేశంలో పూర్తిచేసేలా ఫారిన్ ఎక్స్చేంజ్ ప్రోగ్రాం
- విదేశాల్లోని ఓల్డ్ స్టూడెంట్లు, ఇండస్ట్రియలిస్టులతో గెస్ట్ లెక్చర్లు
- భవిష్య గ్రాడ్యుయేట్స్ కెరీర్ గైడెన్స్ ప్రోగ్రామ్ లో కేఎల్ యూనివర్సిటీ ప్రొఫెసర్ శరత్ సింహ
హైదరాబాద్ సిటీ, వెలుగు:భవిష్యత్ బిజినెస్ మేనేజ్మెంట్ కోర్సులదేనని కేఎల్ యూనివర్సిటీ ప్రొఫెసర్ శరత్ సింహ చెప్పారు. బీబీఏ, ఎంబీఏ, బీసీఏ కోర్సులకు డిమాండ్ ఉందని, బిజినెస్ మేనేజ్మెంట్ వైపు వచ్చే స్టూడెంట్ల సంఖ్య ఏటా పెరుగుతోందన్నారు. కొండాపూర్లోని కేఎల్ యూనివర్సిటీ గ్లోబల్ బిజినెస్ స్కూల్ అత్యుత్తమ బిజినెస్ మేనేజ్మెంట్ విద్యను అందిస్తోందని తెలిపారు. బుధవారం లక్డీకాపూల్లోని రెడ్ హిల్స్ షా ఫంక్షన్హాల్లో కేఎల్ డీమ్డ్ యూనివర్సిటీ, వీ6, వెలుగు న్యూస్ ఆధ్వర్యంలో ‘భవిష్య’ పేరుతో గ్రాడ్యుయేట్లకు కెరీర్ అవేర్నెస్ ప్రోగ్రామ్ నిర్వహించారు.
కేఎల్ యూనివర్సిటీ ప్రొఫెసర్లు కొల్లి శ్రీనివాస్తోపాటు సిటీలో ఐదు క్యాంపస్లకు చెందిన తపస్య కాలేజీ స్టూడెంట్లు, ఫ్యాకల్టీ, వీ6, వెలుగు ప్రతినిధులు హాజరయ్యారు. ఈ సందర్భంగా ప్రొఫెసర్ శరత్ సింహ మాట్లాడుతూ.. కేఎల్ యూనివర్సిటీకి బిజినెస్ మేనేజ్మెంట్ లో 43 ఏండ్ల అనుభవం ఉందన్నారు. కొండాపూర్లోని కేఎల్యూ గ్లోబల్ బిజినెస్ స్కూల్ ప్రత్యేకంగా బిజినెస్ మేనేజ్మెంట్ కోసమేనన్నారు. ఇందులో బీబీఏ, ఎంబీఏ, బీసీఏ కోర్సులు ఆఫర్చేస్తున్నట్లు తెలిపారు. కేఎల్ మ్యాట్ ఎగ్జామ్ ద్వారా అడ్మిషన్లు పొందొచ్చని, మెరిట్ సాధించిన స్టూడెంట్లకు స్కాలర్షిప్ అందిస్తామని వెల్లడించారు.
పారిశ్రామిక వేత్తలుగా, కార్పొరేట్ మేనేజర్లుగా మారాలన్నా.. కొత్త బిజినెస్ లు ప్రారంభించాలన్నా.. బీబీఏ, ఎంబీఏ, బీసీఏ కోర్సులు ఉపయోగపడతాయని తెలిపారు. చదువు పూర్తికాగానే మంచి ప్యాకేజీలతో ఉద్యోగాలు లభిస్తాయన్నారు. ప్రతి స్టూడెంట్ ఒక ఎంటర్ప్రెన్యూర్గా మారాలని, ఉద్యోగాల చేసే స్థాయి నుంచి ఉద్యోగాలు కల్పించే స్థాయికి ఎదగాలని సూచించారు. ప్రస్తుతం డిజిటల్ మార్కెటింగ్ కు విపరీతమైన డిమాండ్ ఉందని, టెక్నో స్టార్టప్స్ను ప్రారంభించొచ్చని వివరించారు. మరో ప్రొఫెసర్ కొల్లి శ్రీనివాస్ బిజినెస్ మేనేజ్మెంట్ కోర్సులతో దేశ, విదేశాల్లో లభించే ఉద్యోగావకాశాలను వివరించారు.
కేఎల్యూకు న్యాక్ ఏ ++ గుర్తింపు
నేషనల్ ఇనిస్టిట్యూషనల్ ర్యాంకింగ్ ఫ్రేమ్వర్క్లో ఆల్ ఇండియా లెవల్లో కేఎల్ యూనివర్సిటీ 22వ ర్యాంక్ సొంతం చేసుకుందని ప్రొఫెసర్ శరత్ సింహ తెలిపారు. న్యాక్ ఏ++ గుర్తింపు పొందినది చెప్పారు. కొండాపూర్ గ్లోబల్ బిజినెస్ స్కూల్లో డాక్టరేట్స్, ఐఏఎం, ఐఎస్బీ ఫ్యాకల్టీలతో కూడిన కోర్సులు అందిస్తున్నట్లు తెలిపారు. ప్రతిఒక్క స్టూడెంట్కు క్యాంపస్రిక్రూట్మెంట్ ట్రైనింగ్ఇస్తామని, టెక్నికల్, సోషల్, కమ్యూనికేషన్ స్కిల్స్ నేర్పిస్తామని చెప్పారు.
ఇవి క్యాంపస్ ప్లేస్మెంట్స్లో ఎంపిక కావడానికి దోహదపడతాయన్నారు. కంపెనీల రిక్వైర్మెంట్ తెలుసుకుని ఆ దిశగా ట్రైనింగ్ ఇస్తున్నామని చెప్పారు. కేఎల్ యూనివర్సిటీ బిజినెస్ మేనేజ్మెంట్ స్టూడెంట్లకు వంద శాతం ప్లేస్మెంట్స్ ఉంటాయని శరత్ సింహ చెప్పారు. ప్రతి ఏడాది ఫ్లిప్ కార్ట్, గూగుల్, అమెజాన్, టీసీఎస్, బర్కాడియా, ఐసీఐసీఐ వంటి సంస్థల్లో అవకాశాలు వస్తున్నాయని పేర్కొన్నారు.
ప్రాక్టికల్స్కు ప్రయారిటీ ఎక్కువ
మిగతా యూనివర్సిటీల కంటే కేఎల్యూ గ్లోబల్ బిజినెస్ స్కూల్లో భిన్నంగా విద్య అందిస్తామని ప్రొఫెసర్ శరత్ సింహ తెలిపారు. విద్యార్థులకు సులభంగా అర్థమయ్యేందుకు 70:30 మోడల్ ఫాలో అవుతున్నామని చెప్పారు. 70 శాతం ప్రాక్టికల్గా, 30 శాతం థియరీలో విద్యను అందిస్తున్నామన్నారు. మార్కెట్ రీసెర్చ్ కేస్ స్టడీలతో క్లాసుల నిర్వహణ జరుగుతోందన్నారు. లోకల్ బిజినెస్ నీడ్స్కు అనుగుణంగా యూనివర్సిటీ కరిక్యూలమ్ను డిజైన్ చేస్తున్నామని చెప్పారు.
ఫారిన్ ఎక్స్చేంజ్ ప్రోగ్రాం ఉంటుందని, స్టూడెంట్లు ఒక సెమిస్టర్ ఫారిన్లో పూర్తిచేయాల్సి ఉంటుందని తెలిపారు. ఇతర దేశాల్లోని సంస్థల్లో పనిచేసే కేఎల్ యూ స్టూడెంట్లు హైదరాబాద్లోని క్యాంపస్ను విజిట్ చేసి స్టూడెంట్లకు గైడెన్స్ ఇస్తారని చెప్పారు. ఇండస్ట్రియలిస్టులు గెస్ట్ లెక్చరర్లుగా వచ్చి క్లాసులు చెబుతారని వెల్లడించారు.
ఫ్యూచర్ కోర్సుల గురించి చక్కగా వివరించారు
డిగ్రీ తర్వాత అందుబాటులో ఉన్న కోర్సులు, అవకాశాలను ప్రొఫెసర్లు వివరించారు. ఏ కోర్సు చేస్తే ఫ్యూచర్బాగుంటుంది.. ఎలాంటి ఇనిస్టిట్యూట్లో చేరాలి అనే విషయాలను వివరంగా చెప్పారు. ఎన్నో అవకాశాలు ఉన్నాయని ఈ ప్రోగ్రాం ద్వారా తెలుసుకున్నాను. ఇలాంటి కార్యక్రమాలు నాలాంటి వారికి ఎంతగానో ఉపయోగపడుతాయి. – ప్రేరణ, స్టూడెంట్, తపస్య కాలేజ్
స్టూడెంట్లకు ఎంతో ఉపయోగం
చాలా మంది స్టూడెంట్లకు ఫ్యూచర్ కోసం ఎలాంటి కోర్సు తీసుకోవాలో, ఏ కాలేజీలో చేరాలో క్లారిటీ ఉండదు. అలాంటి వారికి ఈ ప్రోగ్రామ్ఎంతో ఉపయోగపడుతుంది. కేఎల్యూ ప్రొఫెసర్లు స్టూడెంట్ల అనుమానాలను నివృత్తి చేశారు. ఈ కార్యక్రమం సక్సెస్ కావడానికి సహకరించిన స్టూడెంట్లకు, కేఎల్ యూనివర్సిటీ ప్రొఫెసర్లు, తపస్య ఫ్యాకల్టీకి ధన్యవాదాలు.– ఎంఆర్కే గణపతిరావు, డిప్యూటీ జనరల్ మేనేజర్, వీ6 వెలుగు అడ్వర్టైజ్మెంట్ డిపార్ట్మెంట్
ఈ సమయంలో సరైన గైడెన్స్ అవసరం
ఈ సమయంలో స్టూడెంట్లకు సరైన గైడెన్స్ అవసరం. అవకాశాలు చాలా ఉంటున్నాయి. కానీ ఏది ఎంచుకోవాలో స్టూడెంట్లకు తెలియదు. కేఎల్ యూనివర్సిటీ ప్రొఫెసర్లు ఇచ్చిన ఇన్పుట్స్ స్టూడెంట్లకు ఉపయోగపడుతాయని భావిస్తున్నాం. కేఎల్ యూనివర్సిటీ, వీ6, వెలుగు ఆధ్వర్యంలో ఇలాంటి ప్రోగ్రామ్ నిర్వహించడం అభినందనీయం. పిల్లలు వారి ఫ్యూచర్ స్టడీస్ గురించి చాలా విషయాలు తెలుసుకున్నారు. – అహల్య సింగ్, కార్పొరేట్ రిలేషన్స్ హెడ్, తపస్య కాలేజెస్
కేఎల్యూ, వీ6, వెలుగుకు థ్యాంక్స్
నేను ఎంబీఏ చేయాలనుకుంటున్నాను. ఎంబీఏ ప్రాముఖ్యత, ఎలాంటి కాలేజీల్లో చేస్తే ఫ్యూచర్ బాగుంటుందనేది ప్రొఫెసర్లు వివరించారు. ఈ ప్రోగ్రామ్తో ఎంబీఏపై నాకు ఒక క్లారిటీ వచ్చింది. కెరీర్ను ఎంచుకోవడంలో చాలా అనుమానాలు నివృత్తి అయ్యాయి. డిగ్రీ తర్వాత నేను వేయాల్సిన అడుగుల దశలను చక్కగా వివరించారు. ఇంత మంచి కార్యక్రమాన్ని నిర్వహించిన కేఎల్ యూ, వీ6, వెలుగుకు ధన్యవాదాలు. – శ్రీరాం, స్టూడెంట్, తపస్య కాలేజ్
